ڕۆژی شەممە ٢ی جۆزەردانی ١٤٠٥ی هەتاوی، ژمارەیەک لە قوتابیانی پارێزگای لوڕستان دژ بە بڕیاری ئەنجامدانی تاقیکردنەوەکان بە شێوەی ئاسایی، لە بەردەم ئیدارەی ئاموزش و پەروەرشی ئەو پارێزگایە کۆبوونەوە.
بەگوێرەی هەواڵی گەیشتوو، بەشدابووانی ناڕەزایەتییەکان بە وتنەوەی درووشم دژ بە بەرپرسانی ئاموزش و پەروەرشی ڕژیمی کۆماری ئیسلامی و هەروەها بەرزکردنەوەی پلاکارد، ناڕەزایەتییان دەربڕی و خوازایاری وڵامدانەوەی بەرپرسان بە داخوازییەکانیان بوون. لە هەمان کاتدا، هێزە ئینتزامییەکان و هێزەکانی ئیتلاعاتی ڕژیمی کۆماری ئیسلامی، چەندین جار هەوڵی بڵاوە پێکردنی ناڕەزایەتییەکانیان دا، بەڵام بە هۆی مقاومەتی ناڕازیان، هێزەکانی ڕژیم ناچار بوون پاشەکەشە بکەن و شوێنەکەیان بەجێ هێشتووە. شایانی باسە کە بە هۆی پەرەسەندنی ناڕەزایەتییەکانی قوتابیان، وەزارەتی ئاموزش و پەروەرشی ئەو پارێزگایە ناچار بووە کە بڕیاری بەڕێوەچوونی تاقیکردنەوەکان بە شێوەی ئۆنلاین بدات.