بەهۆی شەپۆلێکی بەهێزی تەرزە و باران لە سنووری ئیدارەی راپەڕین، لافاو لە چەند گەڕەکێک دروستبوو و بەهۆیەوە 35 کەسیش بوون. 

رۆژی دووشەممە، 20ـی ئاوریلی 2026، بەڕێوەبەرایەتیی گشتیی تەندروستیی راپەڕین لە راگەیێندراوێکدا بڵاویکردەوە: “لە ماوەی چەند کاژێری سەر لە ئێوارەی ئەمڕۆدا، 35 حاڵەتی برینداربوون بەهۆی کەوتنەخوارەوە و شکانی دەست و قاچ و ئازاری جەستەیی، لە نەخۆشخانەی فریاکەوتنی رانیە تۆمارکراون.” تەندروستیی راپەڕین، هۆکاری زۆریی بریندارەکانی گەڕاندەوە بۆ “بەهێزیی شەپۆلی تەرزە و باران و ئاڵۆزبوونی دۆخی هاتووچۆی رێگاوبانەکان” جێگای ئاماژەیە کە کەشناسیی هەرێمی کوردستان ڕایگەیاند، بارانبارین ڕۆژی چوارشەممە بەردەوام دەبێ و پێشبینی دەکرێت، پێنجشەممە و هەینی کەشەکە ئاسایی ببێتەوە.

نوشته بریندار بوونی 35 کەس  بەهۆی تەرزە و باران لە راپەڕین اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

لە ئۆپەراسیۆنی هێرش بۆسەر قوتابخانەکانی دوو پارێزگای باکووری کوردستاندا 249 بەکارهێنەری تۆڕی کۆمەڵایەتی دەستگیرکران و دواتر 68 کەسیان ڕەوانەی زیندان کران.

 بەپێی هەواڵەکان دوای لێپرسینەوە، بە بڕیاری دادوەر، 127 دەستگیرکراو ئازادکران کە پێنج کەسیان لەخوار تەمەنی یاساییەوە بوون. شایانی باسه گەڕان و بەدواداچوون بۆ دەستگیرکردنی 95 کەسی دیکەش بەردەوامە. لەو ئۆپەراسیۆنانەدا 249 گومانلێکراو بە گومانی جۆراوجۆر لەلایەن هێزەکانی ئاسایشەوە دەستگیرکران و هەزار و 104 هەژماری تۆڕی کۆمەڵایەتیش داخران.

نوشته دەستبەسرکرانی 68 بەکارهێنەری تۆڕە کۆمەڵایەتییەکان له باکووری کوردستان اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

هیوا تاتایی، هاوڵاتییەکی خەڵکی شاری سەقز، دوای سێ مانگ دەستبەسەربوون هێشتا لە زیندانی ناوەندی سنە لە بارودۆخێکی نادیاردایه.

بەپێی هەواڵەکان، هیوا تاتایی، لە ١ی ڕێبەندانی ١٤٠٤ەوە تا ئێستا لە زیندانی ناوەندی سنە راگیراوه. ناوبراو سەرەتا لەلایەن هێزە ئەمنییەکانەوە بەبێ بەڵگە و بڕیاری دادگا دەستبەسەرکرا و پاشان بۆ یەکێک لە گرتووخانە ئەمنییەکان گوازرایەوە. دوای تەواوبوونی لێکۆڵینەوەکان گواسترایەوە بۆ زیندانی ناوەندی سنە و تا ئێستا لەو زیندانە راگیراوه. بەپێی زانیارییەکان، ئەم هاوڵاتییە لەو ماوەیەدا لە مافە سەرەتایییەکانی وەک دەستڕاگەیشتن بە پارێزەر و چاوپێکەوتن لەگەڵ بنەماڵەکەی بێبەش بووە. دوای تێپەڕبوونی نزیکەی سێ مانگ، هێشتا هیچ ڕوونکردنەوەیەکی فەرمی سەبارەت بە هۆکاری گرتن یان تۆمەتەکان بڵاو نەکراوەتەوە و بارودۆخی یاسایی ئەو هێشتا ناڕوونە. 

نوشته بەردەوامبوونی دەستبەسەرکرانی هیوا تاتایی لە زیندانی سنە اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

دوابەدوای گیان لەدەستدانی غەزال مولان، پێشمەرگەیەکی گەنجی کورد، شاری کۆبانی لە ڕۆژاوا شاهیدی کۆبوونەوە و ڕێپێوانی ناڕەزایەتییەکی بەرفراوان بوو بۆ پشتگیری لە غەزاڵ و سەرجەم ئەو کەسانەی کە لە هێرشەکانی ئەدواییەدا گیانیان لەدەست داوە.

خەڵکی کۆبانی لەم حەرەکەتە ناڕەزایەتییەدا، بە جەختکردنەوە لەسەر هاوپشتی نێوان بەشە جیاوازەکانی کوردستان، هێرشە درۆنییەکانی سپای پاسداران و پێشهاتەکانی دوای گیان لەدەستدانی ئەم پێشمەرگەیان مەحکوم کرد. لەو کۆبوونەوەیەدا، هەوڵەکانی چەند ڕۆژی ڕابردوو بۆ دروستکردنی کەلێن و ناکۆکی نێوان هێزە کوردییەکان، لەگەڵ ناڕەزایەتییەکی توند بەرەوڕوو بووەوە و جەخت لەسەر پاراستنی یەکگرتوویی، ڕێزگرتن لە کەرامەتی مرۆڤ و خەباتی هاوبەش کرایە.

نوشته پشتگیری لە غەزال مولان و وەستانەوە دژ بە جیاوازی لە کۆبانی اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

ڕۆژی یەکشەممە ٣٠ی خاکەلێوەی ١٤٠٥ی هەتاوی، هاووڵاتییەکی خەڵکی شاری نەغەدە لە لایەن هێزە ئەمنیەکانی ڕژیمەوە دەستبەسەر و هێشتا چارەنووسی دیار نییە.

بەپێی ڕاپۆرتی گەیشتوو، ئەو هاووڵاتییە بە ناوی “سۆران عەبدوڵڵازادە” بە هێرشی هێزەکانی ئیدارەی ئیتلاعاتی ڕژیمی کۆماری ئیسلامی بۆ سەر ماڵەکەی دەستبەسەر و ڕەوانەی گرتووخانەکانی ناوەندە ئەمنیەکان کراوە. شایانی باسە کە سەرەڕای بەدواداچوونی بنەماڵەکەی لە سەر دۆخی تەندروستی و شوێنی ڕاگرتنی، تا کاتی داڕشتنی ئەم هەواڵە زانیارییەک لە بەردەستدا نییە و لە مافی پەیوەندی و چاوپێکەوتن لەگەڵ بنەماڵەکەی بێبەش کراوە.

نوشته دەستبەسەرکرانی هاووڵاتییەکی خەڵکی شاری نەغەدە اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

بەپێی دوایین هەواڵەکان، ڕژیمی کۆماری ئیسلامی لە شارە جیاوازەکانی ئێران و کوردستان بە مەبەستی ڕێگری لە دەستپێکردنەوەی ناڕەزایەتییەکان، گوشارێکی توندی ئەمنی خستووەتە سەر هاووڵاتیان.

بەپێی هەواڵی گەیشتوو، لە ڕۆژانی ڕابردوودا و هاوکات لەگەڵ هێرشە هاوبەشەکانی ئەمریکا و ئیسرائیل بۆ سەر پێگەکانی ڕژیمی کۆماری ئیسلامی لە شارە جیاوازەکان، لانکیەم ١٤٠٠ هاووڵاتی بە تۆمەتی “کۆکردنەوەی زانیاری لە سەر پێگەکانی ڕژیم و ناردنیان بۆ ناوەندە ئەمنیەکانی وڵاتانی دژبەر، هەوڵدان بۆ تێکدانی ئەمنیەتی وڵات و هەروەها ناردنی وێنەی هێرشەکان بۆ میدیاکانی دەرەوەی وڵات“، لە لایەن هێزەکانی ڕژیمەوە دەستبەسەر و هێشتا چارەنووسی کۆمەڵێکی زۆریان دیار نییە. لە هەمان کاتدا هێزە پەیوەندیدارەکانی کۆماری ئیسلامی بە ڕێکخستنی سەدان خاڵی پشکنین، هەوڵی ڕێگری لە کۆبوونەوەی خەڵک دەدات.

نوشته بەردەوامی گوشاری هێزە ئەمنیەکانی ڕژیم بۆ سەر هاووڵاتیان لە شارە جیاوازەکانی ئێران و کوردستان اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

بەپێی ڕاپۆرتی گەیشتوو، هاووڵاتییەکی خەڵکی شاری سەقز لە لایەن هێزە ئەمنیەکانی کۆماری ئیسلامییەوە دەستبەسەر و لە مافی پەیوەندی لەگەڵ بنەماڵەکەی بێبەش کراوە.

ڕاپۆرتەکان ئاماژە بەوە دەکەن کە ئەو شارومەندە بە ناوی “سەحەر مەهدی“، ڕۆژی پێنجشەممە ٢٧ی خاکەلێوەی ١٤٠٥ی هەتاوی، لە لایەن هێزەکانی ئیتلاعاتی سپای پاسدارانەوە دەستبەسەر و ڕەوانەی شوێنێکی نادیار کراوە. جێگای ئاماژەیە کە سەرەڕای بەدواداچوونی بنەماڵەکەی لە سەر دۆخی تەندروستی و شوێنی ڕاگرتنی، تا کاتی داڕشتنی ئەم هەواڵە زانیارییەک لە بەردەستدا نییە و لە مافی دەستڕاگەیشتن بە پارێزەر بێبەش کراوە.

نوشته دەستبەسەرکرانی هاووڵاتییەکی خەڵکی شاری سەقز اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

بەپێی ڕاپۆرتی گەیشتوو، هاووڵاتییەکی خەڵکی شاری کامیاران سەرەڕای تێپەڕبوونی زیاتر لە ١٥ ڕۆژ لە دەستبەسەرکرانی، هێشتا چارەنووسی دیار نییە. 

بە وتەی سەرچاوەکانی هەواڵ، ئەو هاووڵاتییە بە ناوی “ئەنوەر قوربانی” بە هێرشی هێزەکانی ئیدارەی ئیتلاعاتی ڕژیم بۆ سەر ماڵەکەی بە بێ بەڵگەی قەزایی و بە هۆکارێکی نادیار دەستبەسەر و ڕەوانەی گرتووخانەکانی ناوەندە ئەمنیەکان کراوە. شایانی باسە کە ناوبراو لە ڕەوتی شۆڕشی ژن، ژیان، ئازادیدا، لە لایەن هێزە سەرکوتگەرەکانی کۆماری ئیسلامییەوە دەستبەسەر و پاشان بە دانانی بارمتەی قورس بە شێوەیەکی کاتی ئازاد کرابوو. 

نوشته بەردەوامی دەستبەسەرکران و ناڕوونی چارەنووسی هاووڵاتییەکی خەڵکی شاری کامیاران اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

لە ڕۆژانی ڕابردوودا، خوێندکارێکی خەڵکی شاری جوانڕۆ لە شاری قەزوین، بە تەقەی هێزە جەنایەتەکارەکانی ڕژیمی کۆماری ئیسلامی گیانی لەدەستدا.

بەپێی دوایین هەواڵەکان، ئەو هاووڵاتییە بە ناوی “عاتفە میرزایی” تەمەن ٢٧ ساڵ، ڕۆژی ١٠ی ڕەشەمەەی ١٤٠٤ی هەتاوی، کاتی تێپەڕبوونی لە بازگەیەکی هێزەکانی ڕژیمی کۆماری ئیسلامی لە شاری قەزوین، بە دەسڕێژی گوللەی هێزەکانی ڕژیم گیانی لەدەستداوە. شایانی باسە کە ئەو هاووڵاتییە نیشتەجێی شاری سنە و لە شاری قەزوین نیشتەجێ بووە.

نوشته گیانلەدەستدانی هاووڵاتییەکی خەڵکی شاری جوانڕۆ بە تەقەی هێزەکانی ڕژیم اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.

هێزەکانی ئیدارەی ئیتلاعاتی کۆماری ئیسلامیی ئێران لە شاری سەقز، ژنێکی گەنجیان بە ناوی سەحەر مەهدی دەستبەسەر کرد و بۆ دەستبەسەرگە حکومەتییەکانیان گواستەوە.

بەپێی ڕاپۆرتی گەیشتوو ڕۆژی پێنجشەممە ٢٧ی خاکەلێوە سەحەر مەهدی تەمەن ٣٢ ساڵ و خەڵکی شاری سەقز، لە کاتی هێرشی هێزەکانی ئیدارەی ئیتلاعات بۆ سەر ماڵی بنەماڵەیییان دەستبەسەر کراوە و بۆ شوێنێکی نادیار گواستراوەتەوە. سەرچاوە ئاگادارەکان ڕاگەیاندووە، هێزە حکومەتییەکان بێ نیشاندانی هیچ جۆرە بەڵگەیەکی دادوەری هێرشیان کردووەتە سەر شوێنی نیشتەجێبوونی ئەم هاووڵاتییە و دوای دەستبەسەرکردنی بۆ شوێنێکی نادیاریان گواستووەتەوە. بە وتەی سەرچاوەیەکی نزیک لە بنەماڵەی مەهدی، ناوەندە حکومەتییەکان ئەم ژنە گەنجەیان بە «سیخوڕی» تۆمەتبار کردووە و دەزگای دادوەری سزای دەستبەسەرکردنی دوو مانگەی بۆ دەرکردووە.

نوشته دەستبەسەرکرانی سەحەر مەهدی لە سەقز اولین بار در کۆمەڵە_رێكخراوی كوردستانی حیزبی كۆمونیستی ئیران. پدیدار شد.