بەپێی ڕاپۆرتەکان، سزای لەسێدارەدانی سێ بەندکراو بە تۆمەتی «کوشتنی بەئەنقەست» لە گرتووخانەی ناوەندیی شیراز (عادلئاباد) جێبەجێ کرا.
ئەم سێ هاووڵاتییە بە ناوەکانی «مەعسوومە سیادی»، «فاتمە فەرهادی» و «حەمید حوسێنزادە»، لە ماوەی چەند ساڵی ڕابردوودا بە تۆمەتی کوشتنی بەئەنقەست دەستبەسەر کرابوون و لەلایەن دەزگای دادوەریی ئێرانەوە سزای لەسێدارەدانیان بەسەردا سەپێندرابوو.
