كرێكارانی شاغڵ له شیركه‌تی وه‌زانی ئێرانشار، ڕۆژی دووشه‌ممه ٦ی گه‌لاوێژ، دژ به نه‌دانی حه‌قده‌ست ده‌ستیان له كار كێشا و مانیان گرت.
به وته‌ی كرێكارانی ناڕازی، خاوه‌نكار ماوه‌ی سێ مانگه حه‌قده‌ستی كرێكارانی ئه‌و شیركه‌ته‌ی نه‌داوه و كرێكاران و بنه‌ماڵه‌كانیان له دۆخێكی سه‌خت دا ده‌ژین. هه‌روه‌ها به‌هۆی نه‌دانی حه‌قی بیمه‌كانیان به ڕێكخراوی ته‌ئمیین ئیجتیماعی، تووشی كێشه‌ی ده‌رمانی بوون و ناتوانن سه‌ردانی ناوه‌نده ده‌رمانییه‌كان بكه‌ن.