ڕۆژی دووشه‌ممه ٢٨ی خه‌زه‌ڵوه‌ر، خانه‌نشینكراوانی موخابرات له چه‌ند شاری كوردستان و ئێران به‌پێی ڕه‌واڵی دووشه‌ممه‌ی هه‌ر حه‌فته دژ به دۆخی خراپی مه‌عیشه‌تی كۆبوونه‌وه.
به‌پێی ڕاپۆرته‌كان، خانه‌نشینكراوانی موخابرات له شاره‌كانی سنه، كرماشان، ورمێ، مه‌ریوان، بیجاڕ، ئیلام، خۆڕه‌م ئاوا، تاران، ئیسفه‌هان، ته‌ورێز، ئه‌هواز و چه‌ند شاری دیكه‌ی ئێران له ئاست بایه‌خ نه‌دانی به‌رپرسانی كۆماری ئیسلامی به داخوازییه‌كانیان خۆپێشاندانیان كردووه. خانه‌نشینكراوانی ناڕازی به به‌ده‌سته‌وه‌گرتنی پلاكارد و وتنه‌وه‌ی دروشم خوازیاری زیادكردنی حه‌قده‌ست به‌پێی ڕێژه‌ی هه‌ڵاوسان، دابینكردنی بیمه‌ی ته‌كمیلی و به‌كرده‌وه‌ده‌رهاتنی گه‌ڵاڵه‌ی هاوسانسازی بوون.