ڕۆژی سێشه‌ممه ١٥ی خه‌زه‌ڵوه‌ر، فڕۆكه‌كانی ئه‌رته‌شی ئیسڕائیل چه‌ند ئۆردووگای ئاواره‌كانی غه‌زه‌یان بۆردوومان كرد و له ئه‌نجامی ئه‌و هێرشه‌دا، به لانیكه‌م ٣٣ كه‌س گیانیان له‌ده‌ست دا كه زۆربه‌یان منداڵن.
به‌پێی ڕاپۆرتی ئه‌لعه‌ره‌بییه، فڕۆكه‌كانی ئیسڕائیل خێوه‌تی ئاواره‌كانیان له ده‌یر به‌لح، گه‌ڕه‌كی تۆفاح و به‌یت لاهیا به چڕی بۆردوومان كردووه و به‌وهۆیه‌وه ٣٣ كه‌س كوژراون و به ده‌یان كه‌س بریندار بوون. هاوكات له‌گه‌ڵ ژینۆسادی خه‌ڵكی فه‌له‌ستین و لوبنان له‌لایه‌ن ده‌وڵه‌تی ئیسڕائیله‌وه، ئاستی ناكۆكی نێوان وه‌زیری به‌رگری ئه‌و وڵاته له‌گه‌ڵ نتانیاهوو گه‌یشته لووتكه و نتانیاهوو گاڵانت، وه‌زیری به‌رگری ئه‌و وڵاته‌ی له كاره‌كه‌ی دوور خسته‌وه و ئیسڕائیل گاتزی وه‌كوو وه‌زیری نوێی به‌رگری هه‌ڵبژارد.