ڕۆژی یه‌كشه‌ممه ٧ی گه‌لاوێژ، كۆمه‌ڵێك له ئێرانیانی ئازادیخوازی فه‌ڕانسه دژبه سزای ئێعدام له ئێران كۆبوونه‌وه و خوازیاری هه‌ڵوه‌شاندنه‌وه‌ی سزای سێداره بوون.
به‌پێی ئه‌و وێنانه‌ی به ده‌ستمان گه‌یشتووه، كۆمه‌ڵێك له چالاكانی سیاسی له مه‌یدانی باستیلی پاریس كۆبوونه‌ته‌وه و به به‌ده‌سته‌وه‌گرتنی وێنه‌ی قوربانیانی سه‌ركوتی كۆماری ئیسلامی، خوازیاری هه‌ڵوه‌شاندنه‌وه‌ی سزای ئێعدامی شه‌ریفه محه‌ممه‌دی و په‌خشان عه‌زیزی بوون. به‌شداربووانی ئه‌و چالاكییه دژبه به‌رپرسانی قه‌زایی و ئه‌منیه‌تی ڕژیم دروشمیان به‌رز كرده‌وه و داویان له كۆمه‌ڵگای جیهانی كرد، له ئاست پێشێلكارییه‌كانی كۆماری ئیسلامی له بواری مافی مرۆڤ دا بێده‌نگ نه‌مێنن. خۆپێشانده‌ران هه‌روه‌ها خوازیاری هه‌ڵوه‌شاندنه‌وه‌ی سزای ئێعدام له ئێران و ئازادی هه‌موو به‌ندكراوانی سیاسی بوون.