بەپێی ڕاپۆرته‌كان، به‌ندكراوێکی سیاسیی بە ناوی “ئەڵماس ڕەزایی” خەڵکی گوندی “تەنگیسەر”ی ژاوەرۆی سنە، پاش تەواوبوونی ماوەی زیندانییەکەی، لە زیندانی مەریوان ئازاد کرا.
ئەو هاووڵاتییە هاوینی ساڵی ٩٥، لە لایەن هێزە ئیتلاعاتییەکانەوە، دەستبەسەر کرا. دادگایی ڕژیم له شاری سنە، نابراوی بە تۆمەتی “هاوکاری لەگەڵ یەکێک لە حیزبە نه‌یاره‌كانی دژ به ڕژیم” بە سێ ساڵ زیندانیی تەعزیری و دوو ساڵ زیندانیی هەڵسپێردراو، مەحکووم کردبوو. جێگه‌ی ئاماژه‌یه‌ن “ئه‌ڵماس ڕه‌زایی” لە ماوەی دەستبەسەرکرانیدا، لە دەسپێڕاگەیشتن بە پارێزەر بێبەری بووە.