ڕۆژی دووشه‌ممه ١٠ی مانگی گه‌لاوێژ، پۆلیسی توركیا هێرشی كرده سه‌ر كۆبوونه‌وه‌ی كارمه‌ندانی نه‌خۆشخانه‌ی “ئه‌لباب” له ڕۆژئاوای كوردستان و چه‌ند هه‌واڵنێر كه سه‌رقاڵی گواستنه‌وه‌ی هه‌واڵه‌كه بوون به لێدان و ئه‌شكه‌نجه ده‌ستبه‌سه‌ركرد.
به پێی ڕاپۆرته‌كان، كارمه‌ندانی نه‌خۆشخانه‌كانی “ئه‌لباب”، “ئه‌لڕای” و “عه‌فرین” كه له ده‌ورووبه‌ری شاری “حه‌له‌ب” كار ده‌كه‌ن به‌ده‌ست هه‌ڵسووكه‌وتی ناوه‌نده ده‌وڵه‌تییه‌كانی سه‌ر به توركیا ناڕازین و به‌مه‌به‌ستی مه‌حكووم كردنی توندووتیژی هێزه‌كانی سه‌ر به توركیا خۆپێشاندانیانكرد به‌ڵام له‌لایه‌ن پۆلیسی توركیاوه هێرشیان كرایه سه‌ر و چه‌ند هه‌واڵنێر كه سه‌رقاڵی گواستنه‌وه‌ی هه‌واڵه‌كه بوون له‌لایه‌ن ئه‌و هێزانه‌وه ده‌ستبه‌سه‌ركراون.