کۆمەڵە_رێكخراوی كوردستانی حیزبی كۆمونیستی ئیران
كوردستانهه‌واڵه‌کان

هۆشداریی دانیشتووانی دوو گوندی جوانڕۆ سەبارەت بە پیسبوونی کۆگای ئاوی خواردنەوە

هۆشداریی دانیشتووانی دوو گوندی جوانڕۆ سەبارەت بە پیسبوونی کۆگای

ژمارەیەک لە دانیشتووانی دوو گوندی «سەڕووی سەروو» و «سەڕووی خواروو» سەر بە شاری جوانڕۆ لە پارێزگای کرماشان، لە ناڕەزایەتییەکدا کە ئاراستەی فەرمانگەی ئاو و ئاوەڕۆی شارەکەیان کردووە، هۆشدارییان داوە لەبارەی خراپیی باری تەندروستیی کۆگای ئاوی خواردنەوەی گوندەکانیان و مەترسیی بڵاوبوونەوەی نەخۆشی.
بەپێی گوتەی دانیشتووانی ئەم دوو گوندە، بنی ئەو کۆگایەی ئاوی خواردنەوەی هەردوو گوندەکەی لێوە دابین دەکرێت، لە دۆخێکی زۆر ناتەندروستدایە و کەڵەکەبوونی قوڕولیتە بووەتە هۆی پیسبوونی سەرچاوەی ئاوەکە، کە مەترسییەکی ڕاستەوخۆ لەسەر ژیان و تەندروستیی خەڵکەکە دروست دەکات.