به پێی ڕاپۆرته‌كان، ڕۆژی دووشەممە ١٥ی ڕەزبەر، ژمارەیک لە زیندانییانی شاری سەقز، بەهۆی گواستنەوەی زینداییەک و هەروەها مورەخەسی پێنەدان بە زیندانییانی دیکە، ناڕەزایه‌تییان دەربڕی و گاردی زیندانیش هێرشی کردووه‌ته سەریان.
به پێی ئه‌م ڕاپۆرته، بەهۆی نه‌درانی موره‌خه‌سیی و گواستنەوەی زیندانییەکی خه‌ڵكی سەقز بە ناوی “سامان ڕەحمانی” بۆ زیندانی شاری کامیاران، زیندانییان ناڕەزایەتییان دەربڕی و ئەمە بوو بەهۆی هێرشی گاردی زیندان بۆ سەریان. بەندی ٧٠ کەسیی زیندانی شاری سەقز، لەسەر بڕیاری بەرپرسی زیندان، نزیکەی ١٣٠ کەسی تێدا ڕاگیراوە و ئەمەش هه‌روه‌ها بووەتە هۆی ناڕەزایەتیی زیندانییان و هێرشی گاردی زیندان بۆ سەریان. شایانی باسه، زۆربەی زیندانییانی تاوانە ئاساییەکان، زیاتر لە یەک ساڵە مورەخەسییان پێ نەدراوە