به‌پێی هه‌واڵی گه‌یشتوو، سه‌ر له‌به‌یانی ئه‌مڕۆ سێشه‌ممه ٣١ی مانگی جۆزه‌ردان، ڕێوڕه‌سمێك به‌بۆنه‌ی ٣١ی جۆزه‌ردان، ڕۆژی پێشمه‌رگه‌ی كۆمه‌ڵه و به به‌شداری كۆمه‌ڵێك له دۆستان و لایه‌نگرانی كۆمه‌ڵه و حیزبی كۆمۆنیستی ئێران له شاری سه‌قز به‌ڕێوه‌چوو.
به‌شداربووانی ئه‌و ڕێوڕه‌سمه به بڵاوكردنه‌وه‌ی تراكت یادی هاوڕێیان “كاك خانه‌ی مۆعینی” و هاوڕێ “فه‌رهاد شه‌عبانی” و ته‌واوی گیابه‌ختكردووانی ڕێگای ئازادی و به‌رابه‌رییان به‌رزڕاگرت. به‌شداربووانی ئه‌و ڕێوڕه‌سمه پیرۆزبایی خۆیان ئاراسته‌ی سه‌رجه‌م پێشمه‌رگه و كادر و ئه‌ندامان و بنه‌ماڵه‌ی سه‌ربه‌رزی گیابه‌ختكردووانی كۆمه‌ڵه وحیزبی كۆمۆنیستی ئێران كرد و به‌ڵێنیاندا درێژه‌ده‌ری ڕێگا و ڕێبازی پڕ له شانازییان بن.