وه‌زاره‌تی به‌رگری روسییه رایگه‌یاند، رژێمی سورییه ئاگربه‌ستی له ناوچه‌ی ئێدلب راگه‌یاندووه.
به‌پێی راگه‌یه‌نراوێكی وه‌زاره‌تی بەرگری روسییه “هێزه سه‌ربازییه‌كانی رژێمی سورییه لە ڕۆژی هه‌ینی ٨ی مانگی خه‌رمانان به‌شێوه‌یه‌كی تاك لایه‌نه له‌ناوچه‌ی ئیدلەب ئاگربه‌ستیان راگه‌یاندوه. ئەوە لەکاتێکدایە بەپێی راپۆرتێکی رێکخراوی چاودێریی مافەکانی مرۆڤ لە سورییه، رژێمی بەشار ئەسەد زیاتر لە ٣١ جار ناوچەکانی باشوری پارێزگای ئێدلبی بۆردومان کردوە و هاوکات سپای روسییه‌ش زیاتر لە ٢٠ هێرشی ئاسمانی لە خاکی ئەو وڵاتە ئەنجام داوە کە بوەتە هۆی کوژرانی زیاتر لە ٩٠٠ کەس و ئاوارەبونی ٧٠٠ هەزار کەس له‌م پارێزگایه.