دوو هاووڵاتیی خەڵکی شارەکانی ورمێ و نەغەدە، کە بە تۆمەتی “کوشتنی بەئەنقەست” بە ئێعدام مەحکووم کرابوون، لە پەتی سێدارە ڕزگاریان بوو.
بەپێی ڕاپۆرتهكان، ڕۆژی پێنجشەممە ٣ی مانگی گەلاوێژ، دوو هاووڵاتیی بهندكراو بە ناوەکانی “شاهین غوڵامی”، خەڵکی ورمێ و “محەممەد تەیمووری”، خەڵکی شاری نەغەدە، بهدوای لێخۆشبوونی بنەماڵەی کوژراوەکان، لە پەتی سێدارە ڕزگاریان بوو. شایانی باسه، ڕۆژی ڕابردوو، ئەم دوو بهندكراوه به مهبهستی بەڕێوەچوونی حوکمهكهیان، گوازرابوونهوه بۆ ژووری تاکەکەسیی ئەو زیندانە.