له ماوه‌ی ڕۆژانی ڕابردوودا، هاووڵاتییەکی خەڵکی ورمێ کە ماوەیەک له‌مه‌وبه‌ر لە لایەن دەزگای قه‌زایی ڕژیم حوکمی زیندانی بەسەردا سەپابوو، بۆ زیندانی ئەم شارە گوازراوەتەوە.
به پێی ڕاپۆرته‌كان، حەفتەی ڕابردوو هێزە ئەمنییەکانی ڕژیم لە شاری ورمێ هاووڵاتییەکیان بە ناوی “بەهمەن حەیدەری” دەستبەسەر و ڕه‌وانه‌ی زیندانی ناوه‌ندیی ئه‌مشاره‌یان كردووه. شایانی باسه، “بەهمەن حەیدەری” بەفرانباری ساڵی ڕابردوو لەلایەن هێزە ئەمنییەکانەوە دەستبەسەر و دوای دوو مانگ بە دانانی وه‌سیقه‌ی ٥٠٠ میلیۆن تمەنی بە شێوەی کاتی و هەتا کاتی بەڕێوەچوونی دانیشتنی دادگا ئازاد کرابوو. ئەو هاووڵاتییە دواتر لەلایەن لقی دووهەمی دادگای ڕژیم له شاری ورمێ بە تۆمەتی “هاوکاری کردن له‌گه‌ڵ یەکێک لە حیزبە نه‌یاره‌كانی ڕژیم” حوکمی ٥ ساڵ زیندانی بەسەردا سەپابوو و ئەو حوکمە دواتر لەلایەن لقی ١٣ی دادگای پێداچوونەوە وەک خۆی پشتڕاست کرایەوە.