ناڕەزایەتی دەربڕینی سەدان هاووڵاتیی خەڵکی شەنگاڵ لە دژی سوپای عێراق
ڕۆژی هەینی سەدان هاوڵاتی خەڵکی شەنگال لە دژی هەبوونی سوپای عێراق لە ناوچەی “سنون” و کۆمەڵگەی “دوگور” کۆبوونەوە و ڕایانگەیاند، کە ڕێگە بە هیچ هێزێک نادەن ئیرادەی هاوڵاتیانی شەنگال بشکێنێت.
بەپێی ڕاپۆرتەکان، لەو کۆبوونەوەیه‌دا هاووڵاتییانی کۆمەڵگەی “دوگور” ڕێگای سەرەکی پەڕینەوە بۆ ناو سنونیان داخستووە و لە دەوروبەری هێزەکانی سوپای عێراق لە ناوچەکە کۆبوونەتەوە و داوایان کردووە ئەو هێزانە ناوچەکە جێبهێڵن، لە لایەکی دیکەوە هاوکات لەناوچەی سنون بەشێک لەهاوڵاتیان لە چوارڕیانی ناسراو بە “مام زەکی” کۆبوونەوە و ناڕەزایی خۆیان لە بوونی هێزە عێراقییەکان لەناوچەکەدا دەربڕیووە. جێگای ئاماژەیە لە ماوەی ڕۆژانی ڕابردوو هێزێکی گەورەی سوپای عێراق بە تانک و تۆپ لە ناو گەڕەک و کۆڵانەکانی شەنگاڵدا بڵاوبووەتەوە چەند جارێکیش شەڕ و تێکەڵچوون لە نێوان هێزەکانی ئاسایشی شەنگاڵ و ئەو سوپایەدا ڕوویداوە.