به سه‌دان كه‌س له په‌ره‌ستاران و كادری دره‌مانی نه‌خۆشخانه‌كانی كێنیا كه له‌ئاست بارودۆخی كاریان ناڕازیین، ڕۆژی دووشه‌ممه ١ی به‌فرانبار، كۆبوونه‌وه‌یه‌كی به‌ربڵاویان به‌ڕێوه‌برد.
په‌ره‌ستارانی ناڕازیی كه بۆ سێهه‌مین حه‌فته‌ی به‌رده‌وام ده‌ستیان داوه‌ته ده‌ربڕینی ناڕه‌زایه‌تیی، ده‌ڵێن: ده‌وڵه‌ت به پێچه‌وانه‌ی به‌ڵێنه‌كانی كاری كردووه و ئه‌ركه‌كانی خۆی به‌ڕێوه نابات. ده‌شڵێن: له مانگی دێسامبر، ٢ هه‌زار و ٧٠٠ كه‌س له په‌ره‌ستاران له شوێنی كاره‌كه‌یان به كۆرۆنا گیرۆده بوون كه به‌هۆیه‌وه ٢٩ په‌ره‌ستار و پزیشك گیانیان له‌ده‌ستدا. په‌ره‌ستارانی ناڕازیی له‌سه‌ر ئه‌و باوه‌ڕه‌ن كه گیان له‌ده‌ستدانی هاوكاره‌كانیان به‌هۆی دابین نه‌كرانی ئیمكاناتی بێهداشتی له لایه‌ن ده‌وڵه‌ته‌وه بووه.