به پێی ڕاپۆرته‌كان، ڕۆژی پێنجشه‌ممه ٢٧ی مانگی پوشپه‌ڕ، هاووڵاتییه‌ك خه‌ڵكی شاری ماكو له لایه‌ن دادگای شاری ورمێ له دوو په‌روه‌نده‌ی جیاجیا به ١٠ ساڵ زیندان مه‌حكووم كرا.
به پێی ئه‌م ڕاپۆرته، محه‌ممه‌د میرزایی خه‌ڵكی شاری ماكو، به توومه‌تی كۆبوونه‌وه و ته‌بانی دژی ئه‌منییه‌تی نه‌ته‌وه‌یی و ئه‌ندام بوون له یه‌كێك له حیزبه نه‌یاره‌كانی دژ به ڕژیم له لایه‌ن داگای ڕژیم به ١٠ ساڵ زیندان مه‌حكووم كرا. جێگه‌ی ئاماژیه ناوبراو ساڵی ڕابردوو دوای ٦٥ ڕۆژ ڕاگیران له گرتووخانه‌ی ئیتلاعات به وه‌سیقه‌ی ٥٠٠ ملیۆن تمه‌نی و تاكاتی به‌ڕێوه‌چوونی دادگاییه‌كه‌ی به شێوه‌ی كاتی ئازاد كرابوو.