نوێنەرانی هەمیشەیی ٤٨ وڵات لە نەتەوە یەکگرتووەکان بە بڵاوکردنەوەی بەیاننامەیەک کردەوەكانی کۆماری ئیسلامی، لەوانه هێرشی مووشەکی و په‌هبادی بۆ سەر ئیسرائیلیان مەحكووم کرد.
لەو بەیاننامەیەدا جەخت لەوە كراوەتەوە کە “ئێمە بە ڕاشکاوی هێرشەکانی ١٣ی ئاوریل، ٢٤ی خاكەلێوەی ١٤٠٣، لەلایەن کۆماری ئیسلامی و میلیشیاکانی بۆ سه‌ر ئیسرائیل مەحكووم دەکەین.” هەروەها لەم بەیاننامەیەدا هاتووە: “ئەم کارە ژیانی خەڵکی بێتاوانی زۆر وڵات و ته‌نانه‌ت شوێنە ئایینیه‌كانیانی خستە مەترسییەوە”. ئەم نوێنەرانە بە ئاماژەدان بە دەستبەسەرداگرتنی نایاسایی کەشتییەکی بازرگانی پورته‌قال لە نزیک گەرووی هۆرمۆز، داوایان لە کۆماری ئیسلامی کرد دەستبەجێ ئەم کەشتییە و تیمە نێودەوڵەتییەکەی ئازاد بکات.