به پێی ڕاپۆرته بڵاوكراوه‌كان، به‌ڕێوه‌به‌ری شیركه‌تی “ئاتیلا ئۆرتۆپێد” كه له بواری به‌رهه‌مهێنانی ئامرازی پزیشكی له شارۆچكه‌ی سه‌نعه‌تی ژماره ٣ی شاری سنه چالاكی ده‌كات، ١٤ كه‌س له كرێكاره‌كانی له‌سه‌ر كار ده‌ركردووه.
به‌وته‌ی كرێكارانی ده‌ركراو، شیركه‌تی ئاتیلا ئۆرتۆپێد پێشینه‌ی زیاتر له ٢٠ ساڵی هه‌یه و له بواری به‌رهه‌مهێنانی ئامرازی نه‌شته‌رگه‌ری و باقی ئامرازه‌كانی دیكه‌ی پزیشكی چالاكی ده‌كات. زیاتر له ١٠٠ كرێكار له‌م ناوه‌نده‌دا كار ده‌كه‌ن و ناوه‌ناوه و به بیانووی جۆراوجۆر له‌وانه كه‌م بوونه‌وه‌ی ڕێژه‌ی به‌رهه‌م له‌سه‌ر كار ده‌رده‌كرێن. شایانی باسه كه له ئێستادا ته‌نیا ٥٠ كرێكار له‌م شیركه‌ته‌دا ماونه‌ته‌وه.