سەدان کەس لە هاووڵاتییانی باکووری کوردستان دانیشتووی شاری ئیستانبۆڵ، ڕۆژی دووشەممە بە کۆبوونەوە و ڕێپێوان لە ناوچەی ئسنیورتی ئیستانبۆڵ و پۆشینی جل و بەرگی کوردی، خوازیاری بەفەرمی ناسین و پەروەردە بە زمانی کوردی بوون.
بەپێی ڕاپۆرتەکان، ئەم خۆپیشاندانە لە لایەن ناوەندی فەرهەنگی “ئێم کەی ئێم” و ئەنجومەنی لێکۆڵینەوەی کوردی ڕێکخرابوو و “زۆڵەیخا گۆلوم” نوێنەری هەدەپە لە شاری ئیستانبۆڵ و زۆربەی ئەندامانی ئەو پارتە تێیدا بەشدار بوون. بەشداربووان لەو کۆبوونەوەیه‌دا درووشمی بێ زمان ژیان نابێت و بژی بەرخوەدانی نێو زیندانیان وتەوە و خوازیاری بەفەرمی ناسینی زمانی کوردی لەو وڵاتەدا بوون.