کۆمەڵە_رێكخراوی كوردستانی حیزبی كۆمونیستی ئیران
ئێرانهه‌واڵه‌کان

هێرشی شیمیایی بۆ سه‌ر چه‌ند مه‌دره‌سه‌ی كچانه له‌ چه‌ند شاری ئێران

هێرشی شیمیایی بۆ سه‌ر چه‌ند مه‌دره‌سه‌ی كچانه له‌ چه‌ند شاری ئێران

ڕۆژی شه‌ممه‌ ٢٦ی مانگی خاكه‌لێوه‌ و هاوكات له‌گه‌ڵ یه‌كه‌مین ڕۆژی به‌ڕێوه‌چوونی یاسای زۆره‌ملێ حیجاب، هێرشێكی به‌رینی شیمیایی كرایه‌ سه‌ر چه‌ندین مه‌دره‌سه‌ له‌ شاره‌كانی سنه‌، ورمێ، سه‌رپول زه‌هاو، ئیزه‌، مهاباد و شاهین شار و چه‌ندین قوتابی ڕاگوێزی نه‌خۆشخانه كران.

به‌پێی ڕاپۆرته‌كان، ناونده‌ ئه‌منیه‌تی و مه‌زهه‌بیه‌كانی ڕژیم هێرشیان كردۆته‌ سه‌ر مه‌دره‌سه‌كانی “خه‌دیجه‌” و “شه‌رافه‌ت” له‌ شاری سنه‌ و ١٤ قوتابی كچ به‌ناوه‌كانی “موهه‌نا گولی”، “هلن به‌همه‌نی”، “شیلان محه‌ممه‌دی”، “ئه‌سرا سه‌فایی”، “سارینا ڕۆسته‌می”، “سارینا نه‌جه‌فی”، “زریان ئه‌حمه‌دی”، “ئلینا محه‌ممه‌دی”، “نارین فه‌تاحی”، “نازه‌نین مه‌جیدیان”، “ئازین سادقی”، “سه‌وگه‌ند سادقی”، “زه‌هرا پاكدڵ” و “زریان سۆبحانی” ڕاگوێزی نه‌خۆشخانه كراون، هه‌روه‌ها له‌ شاری مهاباد هێرشی شیمیایی كرایه‌ سه‌ر چه‌ند مه‌دره‌سه‌ی ئه‌و شاره‌ و چه‌ند قوتابی له‌ نه‌خۆشخانه به‌سته‌ری كران، له‌ شاری ئیزه‌، سه‌رپۆلی زه‌هاو، ورمێ و شاهین شار هێرشی هاوشێوه‌ كرایه‌ سه‌ر چه‌ندین مه‌دره‌سه‌ی كچانه و به‌ ده‌یان قوتابی باری ته‌ندرووستیان تێك چوو و ڕاگوێزی ناوه‌نده‌ ده‌رمانییه‌كان كران.