بەپێی هەواڵی گەیشتوو، پێنج چالاکی مەدەنی و فەرهەنگی خەڵکی شاری ئەهواز، لە لایەن دەزگای قەزایی ڕژیمەوە ڕووبەڕووی حوکمی قورسی قەزایی بوونەتەوە.
بەپێی دوایین ڕاپۆرتەکان، محەممەدڕەزا کامڕەوا، مەریەم زەلکی نەژام، کەوسەر مومبینی، مەنیژە ئەفشاری و ئەحمەدڕەزا نەوچیان، هەر یەک حوکمی سێ ساڵ زیندان و دوو ساڵ قەدەغەی چوونە دەرەوە لە وڵاتیان بەسەردا سەپێندراوە. شایانی باسە کە هێشتا ناوەندی قەزایی ڕژیمی کۆماری ئیسلامی سەبارەت بە ئەو تۆمەتانەی کە خراوەتە پاڵ ئەو پێنج چالاکوانە، ڕاگەیاندن یان بەیاننامەیەکی بڵاو نەکردووەتەوە.