ڕۆژی چوارشه‌ممه ٩ی ڕه‌شه‌مه، باوكی هه‌میشه زیندوو “موحسن شكاری” له گیانبه‌ختكردووانی شۆڕشی ژینا له‌لایه‌ن هێزه ئه‌منیه‌كانه‌وه ڕفێندار، له‌لایه‌كی دیكه‌وه ٥٠ چالاكی توڕه كۆمه‌ڵایه‌تیه‌كان له ئازه‌ربایجانی غه‌ربی له‌لایه‌ن پۆلیسه‌وه بانگهێشت و ده‌ستبه‌سه‌ر كراون.
به‌وته‌ی پۆلیسی ئوستانی ئازه‌ربایجانی غه‌ربی، ٥٠ چالاكی توڕه كۆمه‌ڵایه‌تیه‌كان به بیانووی ئه‌وه‌یكه له له‌سه‌ر په‌یجه‌كانیان بانگه‌شه‌یان بۆ به‌شداری نه‌كردن له هه‌ڵبژاردنه‌كانی مه‌جلیس كردووه بانگهێشت و ده‌ستبه‌سه‌ر كراون. تا كاتی داڕشتنی ئه‌م هه‌واڵه، زانیارییه‌ك له‌سه‌ر ناسناو و شوێنی ڕاگێرانیان له‌به‌رده‌ستدا نییه. له‌لایه‌كی دیكه‌وه باوكی “موحسن شكاری” له گیانبه‌ختكردووانی شۆڕشی ژینا ڕۆژی ڕابردوو له‌لایه‌ن چه‌ند لیباس شه‌خسییه‌وه ڕفێندراوه و بنه‌ماڵه‌كه‌ی هیچ زانیارییه‌كیان له‌سه‌ر هۆكاری به‌ندكران و شوێنی ڕاگیرانی نییه.