بە پێی ڕاپۆرتەکان، گەرووی باب ئەلمەندەب و دووڕگەی میۆن لە لایەن حوسییەکانی یەمەنەوە داگیر کراوە.
بە وتەی سەرچاوەی “فرانس پڕیس“، رۆژی ڕابردوو حوسییەکانی یەمەن بە چەند بەلەم گەیشتوونەتە دووڕگەی میۆن و دەستیان بەسەر ئەو دووڕگە و گەرووی باب ئەلمەندەب گرتووە. جێگای ئاماژەیە کە دووڕگەی میۆن، خاوەنی پێگەیەکی یەکجار ستراتیژییە لە جۆگرافیای کەشتیوانیی نێودەوڵەتیدا، بە جۆرێک رێڕەوی گەرووی بابولمەندەب دابەشی سەر دوو هێڵی سەرەکیی هاتوچۆی کەشتییە بازرگانی و نەوتییەکان دەکات.