بەپێی دوایین زانیارییەکان، ١٠ کەس لە ئەندامانی تۆڕێکی گەورەی گواستنەوەی پارەی نایاسایی بۆ حیزبوڵڵای لوبنان، لە لایەن وەزارەتی دارایی ئەمریکاوە سزا دراون.
وەزارەتی دارایی ئەمریکا بە بڵاوکردنەوەی بەیاننامەیەک ئاماژەی بەوە کردووە کە بە هۆی چالاکییەکانی ئەم تۆڕە قاچاخەوە، حیزبوڵڵای لوبنان توانیویەتی دەستی بە دراوی بیانی بگات و لە کۆمەڵێک لە سزاکانی ئەمریکا هەڵێت. بە گوێرەی ئەو زانیارییانەی کە بە دەستمان گەیشتوون، بازەرگانێکی تور بە ناوی “یونس ئەلپەر ئیڵماز” بەڕێوەبەرایەتی ئەم تۆڕەی لە ئەستۆ بووە.