بەپێی دوایین زانیارییەکان، “نەجمە ئەمینی” خوێندکاری تەمەن ٢٣ ساڵی خەڵکی شاری مەشهەد، مەترسی سەپاندنی حوکمی سێدارەی لە لایەن دەزگای قەزایی ڕژیەوە لەسەرە.
ئەو هاووڵاتییە ڕێکەوتی ١٣ی ڕێبەندانی ١٤٠٤ی هەتاوی، لە لایەن هێزە ئەمنیەکانی ڕژیمی کۆماری ئیسلامییەوە دەستبەسەر و تا ئێستا لە گرتووخانە ئەمنییەکانی ڕژیمی کۆماری ئیسلامیدا، بە مەبەستی وەرگرتنی دانپێدانانی زۆرەملێ، لە ژێر توندترین ئەشکەنجەکانی هێزەکانی ڕژیمدایە. ناوبراو لە لایەن دەزگای قەزاییەوە ڕووبەڕووی تۆمەتەکانی “هاوکاری لەگەڵ ناوەندە ئەمنیەکانی ئیسرائیل، تێکهەڵچوون لەگەڵ هێزەکانی ڕژیم و موحاربە” بووەتەوە، کە مەترسی سەپاندنی حوکمی سێدارە بە سەر ئەو خوێندکارە بەرزتر دەکاتەوە.