بەپێی دوایین هەواڵەکان، وڵاتانی عەرەبی بە توندی ئیدانەی هێرشەکانی ڕژیمی کۆماری ئیسلامییان بۆ سەر وڵاتانی کەنداو کرد.
وەزارەتی دەرەوەی سعوودیە لە بەیاننامەیەکدا بە توندی هێرشەکانی ڕژیمی ئێرانی بۆ سەر کووەیت، بەحرەین، قەتەر، ئیمارات، عومان و ئوردون ئیدانە کرد. ڕیاز لەم بەیاننامەیەدا تارانی بە پێشێلکردنی یاسا نێودەوڵەتییەکان، مەترسی بۆ سەر ئاسایش و سەقامگیریی ناوچەکە، هەڕەشە بۆ سەر ئازادیی کەشتیوانی و دووپاتکردنەوەی کردەوەی دوژمنکارانە دژی دراوسێکانی تۆمەتبار کرد. هاوکات حکوومەتی عومان بە فەرمی ئیدانەی هێرشەکانی سوپای پاسدارانی بۆ سەر خاکەکەی، بەتایبەت لە پارێزگای موسەندەم کرد و وەزارەتی دەرەوەی ئەو وڵاتەش باڵیۆزی کۆماری ئیسلامیی لە مەسقەت بانگهێشت و یادداشتێکی ناڕەزایەتیی فەرمیی ڕادەست کرد. لە لایەکی دیکەوە قەتەر کە زۆرجار هەوڵی داوە ڕۆڵی نێوەندگیری بگێڕێت، ئەم هێرشانەی بە توندی ئیدانە کرد و بە “پەرەسەندنێکی مەترسیدار” ناوی برد.