هاووڵاتییەکی بەلووچ بە ناوی “زوبەیر ساسۆلی” بە تەقەی هێزە سنوورییەکانی کۆماری ئیسلامی لە ناوچەی ساسۆلی گیانی لەدەست دا.
بەپێی ڕاپۆرتەکان، ناوبراو کاتێک لە ماڵەکەی هاتووەتە دەرەوە، لە لایەن پاسەوانە سنوورییەکانەوە سەری کراوەتە ئامانج و دەستبەجێ گیانی سپاردووە. تا کاتی داڕشتنی ئەم هەواڵە، هیچ ڕوونکردنەوەیەک سەبارەت بە هۆکاری تەقەکردنەکە لە لایەن بەرپرسانی پێوەندیدارەوە نەدراوە.