بەپێی دوایین زانیارییەکان، کرێکارانی شارەداری نیکشەهر دژ بە خراپی دۆخی ژیان و مەعیشەتیان کۆبوونەوە و ناڕەزایەتییان دەربڕیوە.
کرێکارانی ناڕازی لە کۆبوونەوەکەدا ئاماژە بەوە دەکەن کە بە هۆی پێنەدان و کەمبوونی حەقدەستەکانیان، لە دۆخێکی زۆر خراپی ئابووریدا دەژین و تەنانەت توانای دابین کردنی پێداویستییە سەرەکییەکانی ژیانی بنەماڵەکانیان نییە. لە درێژەی کۆبوونەوەکەدا کرێکاران خوازیاری بەرزکردنەوەی ئاستی حەقدەست بەپێی ڕێژەی هەڵاوسان، دابین کردنی بیمەی دەرمانی کارامە، پێدانی حەقدەست و مەزایا دواخراوەکان، کەمکردنەوەی ساعەتی کار و هەروەها کۆتایی هاتنی جیاکاری لە حەقدەستەکاندا بوون.