هێزە ئەمنییەکانی سەر بە ئیتلاعاتی سوپا بە ئامادەبوون لە ماڵی مەحموود بەهەشتی، لە کاتێکدا کە شوێنەکەیان پشکنی و دەستیان بەسەر هەندێک ئامێری پەیوەندی و کەلوپەلی کەسیدا گرت، داوایان لێکرد بۆ پێشکەشکردنی ڕوونکردنەوە خۆی بە نووسینگەی بەدواداچوون (دفتر پیگیری) لە لەنگەروود بناسێنێت.
مەحموود بەهەشتی لە چالاکوانانی ناسراوی سەندیکایی و ئەندامی دەستەی بەڕێوەبەریی کانوونی ئۆتۆنیۆمی مامۆستایانی تاران و هەروەها ئەندامی ئەنجومەنی هەماهەنگیی ڕێکخراوە پیشەییەکانی فەرهەنگیانی ئێرانە.
لەسەر ئەم کارە، ئەنجومەنی هەماهەنگیی ڕێکخراوە پیشەییەکانی فەرهەنگیانی ئێران بە بڵاوکردنەوەی هەڵوێستێک، بەردەوامیی دەستبەسەرکردن و ڕەفتارە ئەمنییەکانی لەگەڵ چالاکوانانی پیشەیی شەرمەزار کرد و جەختی لەسەر مافی یاسایی فەرهەنگیان و چالاکوانانی پیشەیی بۆ بەدواداچوونی داواکارییەکانیان کردەوە.ئەم ئەنجومەنە هەروەها داوای کۆتاییهێنان بە ڕەفتارە ئەمنییەکان لەگەڵ چالاکوانانی پیشەیی و ڕێزگرتن لە مافی هاووڵاتیبوون و چالاکییە مەدەنییەکانی کرد.