گیانبەختکردنی شارومەندێکی خەڵکی شاری ئیزە لە گرتووخانەکانی ناوەندە ئەمنیەکان

بەپێی دوایین زانیارییەکان، هاووڵاتییەکی خەڵکی شارستانی “ئیزە” سەر بە پارێزگای ئەهواز، پاش دەستبەسەرکرانی و گواستنەوەی بۆ گرتووخانەکانی ناوەندە ئەمنیەکان، لە ژێر ئەشکەنجەی هێزەکانی ئیتلاعاتی سپای ڕژیمدا گیانی بەختکردووە.
بە وتەی سەرچاوە ئاگادارەکان، ئەو هاووڵاتییە بە ناوی “عەلیڕەزا بەیرانوەند” ڕێکەوتی 15ی گوڵانی 1405ی هەتاوی، لە لایەن هێزەکانی ئیتلاعاتی سپای پاسدارانەوە دەستبەسەر و ڕەوانەی شوێنێکی نادیار کراوە. جێگای ئاماژەیە کە ناوبراو پێشووتر لە ناڕەزایەتییەکانی خەڵک دژ بە دەسەڵاتی کۆماری ئیسلامی لە ساڵەکانی 1396 و 1401ی هەتاویدا، چەندین جار لە لایەن هێزە ئەمنیەکانەوە دەستبەسەر و ڕووبەڕووی حوکمی توندی قەزایی بووەتەوە.