یەکێتیی کرێکاریی سامسۆنگ کە بڕیار بوو ئەمڕۆ مانگرتنی ١٨ ڕۆژەی خۆی دەست پێ بکات، دوای دانوستانی ڕاستەوخۆ لەگەڵ وەزیری کاری کۆریای باشوور، مانگرتنەکەی ڕاگرت.
یەکێتیی کرێکاریی کۆمپانیای سامسۆنگ ڕایگەیاند کە ئەو مانگرتنە ١٨ ڕۆژەی کە پێشتر پلانی بۆ داڕێژرابوو، دوای گفتوگۆی ڕاستەوخۆ لەگەڵ “کیم یانگ هون” وەزیری کاری کۆریای باشوور، ڕاگیراوە. بەپێی بەندەکانی ڕێککەوتنە نوێیەکە، مووچەی کارمەندانی سامسۆنگ بە ڕێژەی ٦.٢٪ زیاد دەکات و هەروەها سیستمێکی نوێی پاداشت و هاندانیش بۆ کارمەندان جێبەجێ دەکرێت.