ڕۆژی ڕابردوو، دۆناڵد ترامپ، سەرۆکی ئەمریکا، لە لێدوانێکی نوێدا ڕایگەیاندووە کە هێرشەکانی ئەمریکا و هاوپەیمانەکانی گورزێکی گەورەیان لە توانای سەربازیی ڕژیمی کۆماری ئیسلامی داوە و تاران بە پەرۆشەوە خوازیاری ڕێککەوتنە.
ترامپ ئاماژەی بەوە کردووە کە زۆرینەی توانای مووشەکی، درۆنی و هێزی دەریایی ئێران لەناوبراوە و گورزە سەربازییەکان بوونەتە هۆی داخران و داڕمانی بەشێک لە بنکە ئەتۆمییەکان. هاوکات سەرۆکی ئەمریکا هۆشداری داوە ئەگەر تاران مەرجەکانی ڕێککەوتن قبووڵ نەکات، ڕووبەڕووی هێرشێکی “زۆر گەورەتر” دەبێتەوە.