بەپێی ئامارە فەرمییەکان، تاکوو ئێستا و لە ئەنجامی هێرشە هاوبەشەکانی ئەمریکا و ئیسرائیل بۆ سەر پێگەکانی ڕژیمی کۆماری ئیسلامی، لانیکەم ١٣٠٠ قوتابخانە زیانیان بەرکەوتووە.
بەپێی دوایین زانیارییەکان، لە ئەنجامی هێرشەکاندا زیاتر لە ٢٠ قوتابخانە بە تەواوی ڕووخاون و زیانێکی زۆریش بە خانووەکانی دەورووبەری گەیشتوون. شایانی باسە کە لە ڕەوتی هێرشەکاندا، هێزەکانی ڕژیمی کۆماری ئیسلامی بە مەبەستی پاراستنی خۆیان، لە قوتابخانەکان و شوێنە گشتییەکان نیشتەجێ کرابوون و ئەمەش بووە هۆی گەیشتنی زیانێکی زۆری ماددی و گیانی بە هاووڵاتیانی مەدەنی.