بە پێی ڕاپۆرتەکان، هێزەکانی سپای پاسدارانی ڕژیمی کۆماری ئیسلامی لە دەوروبەری بەندئاوی شارستانی مەهاباد جیگیر کراون و هێشتا ئامانجی ئەم کردەوەیە نادیارە.
بەپێی زانیارییەکان، هێزەکانی سپای پاسداران بە شێوەیەکی فراوان لە دەوروبەری بەندئاوی مەهاباد جێگیر کراون و ناوچەکە بە تەواوی لەلایەن ئەو هێزانەوە کۆنترۆڵ کراوە. هەروەها هەموو کارمەندانی بەڕێوەبەرایەتی ئاوی مەهاباد و کارمەندانی بەندئاوەکە لە شوێنی کارەکانیان ڕاگوێزراون. سەرچاوە خۆجێییەکان باس لەوە دەکەن کە پاش ئەم جموجۆڵە، هاتوچۆ لە دەوری بەندئاوەکە سنووردار کراوەتەوە و هێزەکانی حکومەت بە شێوەیەکی زۆر لەو ناوچەیە جێگیر کراون. شایانی باسە کە هێشتا هۆکاری سەرەکی ئەم جموجۆڵە بە شێوەی فەرمی ڕانەگەینراوە و زانیاریی ورد سەبارەت بەم بارودۆخە هێشتا لە بەردەستدا نییە.