ڕۆژی سێشهممه ٢١ی ڕێبهندانی ١٤٠٤ی ههتاوی، هاووڵاتییهكی خهڵكی شاری سنه له لایهن هێزه ئهمنیهكانی ڕژیمهوه دهستبهسهر و هێشتا سهبارهت به هۆكاری دهستبهسهركرانی زانیارییهك له بهردهستدا نییه.
بهپێی ههواڵی گهیشتوو، ئهو شارومهنده به ناوی “ئهفشین حسێن پهناهی“، له لایهن هێزهكانی ئیدارهی ئیتلاعاتی ڕژیمهوه دهستبهسهر و ڕهوانهی گرتووخانهكانی ناوهنده ئهمنییهكان كراوه. جێگای ئاماژهیه كه سهرهڕای بهدواداچوونی بنهماڵهكهی له سهر دۆخی تهندروستی و شوێنی راگرتنی، تا كاتی داڕشتنی ئهم ههواڵه زانیارییهك له بهردهستدا نییه و له مافی پهیوهندی لهگهڵ بنهماڵهكهی بێبهش كراوه.