له ڕۆژانی ڕابردوودا، ٧ به‌ندكراو له زیندانه‌كانی ڕژیمی كۆماری ئیسلامی به تۆمه‌تی “كوشتنی به ئه‌نقه‌ست” و “په‌یوه‌ندیدار به مادده هۆشبه‌ره‌كان”، له سێداره دراون.
به پێی ڕاپۆرتی ڕێكخراوه‌كانی مافی مرۆڤ، ٣ به‌ندكراو به ناوه‌كانی “كازم بیگدلی، مه‌هدی كه‌عبی و سه‌عید خانی” و هه‌روه‌ها به‌ندكراوێكی دیكه كه هێشتا ناسناوی به ده‌ستمان نه‌گه‌یشتووه، به تۆمه‌تی “په‌یوه‌ندیدار به مادده هۆشبه‌ره‌كان” له زیندانه‌كانی قوچان، بۆرازجان، مه‌لایر و عادڵ ئابادی شیراز، ئێعدام كراون. هاوكات سێ زیندانی دیكه به ناوه‌كانی “شه‌ریف جابری، عه‌لی ماهینی و عه‌لی ئه‌مینی” به تۆمه‌تی “كوشتنی به ئه‌نقه‌ست”، له به‌ندیخانه‌كانی ساوه، ماهشه‌هر و بۆكان، له سێداره دراون.