ڕۆژی ڕابردوو، كرێكارانی سه‌رجه‌م به‌شه‌كانی شیركه‌تی قه‌ندی خاوه‌ۆمیانه‌ی شوش، دژ به بایه‌خ نه‌دانی به‌رپرسان به ژیان و مه‌عیشه‌تیان ده‌ستیان له كار كێشا و كۆبوونه‌وه.
به پێی ئه‌و وێنانه‌ی به ده‌ستمان گه‌یشتوون، كرێكارانی ناڕازی به به‌رپایی ڕێپێوانێك و كۆبوونه‌وه له به‌رده‌م بینای ناوه‌ندی ئه‌و شیركه‌ته، خوازیاری پێدانی حه‌قده‌ست و مه‌زایا دواخراوه‌كان، به‌رز كردنه‌وه‌ی ئاستی حه‌قده‌ست به پێی ڕێژه‌ی هه‌ڵاوسان، دابین كردنی بیمه‌ی ده‌رمانی كارامه، ئیمه‌نی شوێنی كار و ئیمكاناتی ڕیفاهی، ته‌زمینی ئه‌منیه‌تی پیشه‌یی و هه‌روه‌ها كۆتایی هاتنی گوشاری حراسه‌تی شیركه‌ت بۆ سه‌ر كرێكارانی ناڕازی بوون.