ڕۆژی ڕابردوو كۆمه‌ڵێك له كرێكارانی شیركه‌تی ئه‌رغه‌وان گوسته‌ری ئیلام، دژ به وه‌دینه‌هاتنی به‌ڵێنه‌كانی به‌رپرسان ناڕه‌زایه‌تییان ده‌ربڕی.
به پێی ڕاپۆرته‌كان، ١٠٠ كرێكاری ناڕازی ئه‌و شیركه‌ته ئاماژه به‌وه ده‌كه‌ن كه بۆ ماوه‌ی چه‌ند مانگه به بیانووی نه‌بوونی داهات و گرانبوونی پێداویستییه‌كانی ئه‌و شیركه‌ته، له سه‌ر كاره‌كانیان ده‌ر كراون و ئێستا له دۆخێكی زۆر خراپی ئابووریدا ده‌ژین. له به‌رده‌وامی ناڕه‌زایه‌تییه‌كاندا كرێكاران خوازیاری گه‌ڕاندنه‌وه‌یان بۆ سه‌ر كار و هه‌روه‌ها بایه‌خ دانی به‌رپرسانی ڕژیم به داخوازییه‌كانیان بوون.