ڕۆژی ڕابردوو، كادری ده‌رمانی نه‌خۆشخانه‌ی “مه‌سیح دانشوه‌ری” له شاری تاران، دژ به وه‌دینه‌هاتنی داخوازییه‌كانیان ده‌ستیان له كار كێشا و كۆبوونه‌وه.
به‌شداربووانی مانگرتنه‌كه به وتنه‌وه‌ی درووشم خوازیاری پێدانی حه‌قده‌ست و مه‌زایا دواخراوه‌كان و كارانه، دابین كردنی بیمه‌ی ده‌رمانی كارامه و ئه‌منیه‌تی پیشه‌یی، به‌رز كردنه‌وه‌ی ئاستی حه‌قده‌ست به پێی ڕێژه‌ی هه‌ڵاوسان، پێدانی ئیزافه‌كاری، كۆتایی هاتنی جیاكاری له حه‌قده‌سته‌كان و گوشاری ناوه‌نده ئه‌منیه‌كان له سه‌ر په‌ره‌ستارانی ناڕازی، گۆڕانی گرێبه‌سته‌كانیان و هه‌روه‌ها بایه‌خ دانی به‌رپرسانی ڕژیم به داخوازییه‌كانی په‌ره‌ستاران بوون.