ڕۆژی شه‌ممه ٤ی گه‌لاوێژ، ئه‌رته‌شی ئیسڕائیل ده‌ستی به سه‌ر كه‌شتی حه‌نزه‌له، هه‌ڵگری لایه‌نگرانی فه‌له‌ستین گرت و هه‌موو سه‌رنشینه‌كانی ده‌ستبه‌سه‌ر كرد.
كه‌شتی حه‌نزه‌له ١٣ی ژووئیه‌ی ئه‌مساڵ له به‌نده‌ری سیسیلی ئیتالیا به‌ره‌و كه‌ناراوه‌كانی غه‌زه به‌ڕێكه‌وت و ڕۆژی شه‌ممه گه‌یشته نزیك ئه‌و باریكه‌یه. نزیك به ١٥ چالاكی مه‌ده‌نی به كۆمه‌ڵێك یارمه‌تی پزیشكی، خۆراك و جل و به‌رگه‌وه به مه‌به‌ستی شكاندنی گه‌مارۆی سه‌ر غه‌زه ئه‌و سه‌فه‌ره‌یان ده‌ستپێكردووه، به‌ڵام ئه‌رته‌شی ئیسڕائیل ده‌ستی به سه‌ر كه‌شتیه‌كه‌دا گرتووه و هه‌ر ١٥ كه‌سه‌كه‌ی ده‌ستبه‌سه‌ر كردووه.