ڕۆژنامه‌ی تێلگراف ڕۆژی یه‌كشه‌ممه ١٢ی ڕه‌شه‌مه ڕاپۆرتێكی بڵاو كرده‌وه و تێدا ئاماژه‌ی به بێبه‌شكردنی كچانی ئه‌فغانستان له ده‌رمان و نه‌شته‌رگه‌ری له نه‌خۆشخانه‌كانی ئه‌و وڵاته كرد.
به‌پێی ڕاپۆرتی ئه‌و ڕۆژنامه‌یه، ٨٠ له سه‌دی نه‌شته‌رگه‌رییه‌كانی نێو ناوه‌ندێكی ده‌رمانی منداڵان له شاری كابۆل، ته‌نیا بۆ كوڕان ئه‌نجام دراوه و كچانی ئه‌فغانستانی ناچارن ڕوو له ده‌رمانی خۆماڵی و دۆعای مه‌زهه‌بی بكه‌ن. كه‌ڵك وه‌رگرتنی ژنان و كچانی ئه‌فغانستانی له ده‌رمانی ناستانداردی خۆماڵی ده‌یان كێشه‌ی بۆیان ساز كردووه و بنه‌ماڵه‌كان ناچارن بۆ وه‌رگرتنی چاره‌سه‌ری پزیشكی،سه‌ردانی نه‌خۆشخانه‌كانی پاكستان و ئێران بكه‌ن.