ڕۆژی هه‌ینی ١٣ی ڕه‌زبه‌ری ١٤٠٣، دوو كرێكاری كه‌ندنی كارێز له شارستانی ته‌فرێش له كاتی كاركردن دا تووشی ڕووداو هاتن و گیانیان له‌ده‌ست دا.
به‌پێی زانیارییه‌كان، دوو كرێكاری ٢٤ و ٥٠ ساڵ ته‌مه‌ن له كاتی كاركردن له كارێزێكی شارستانی ته‌فرێش دا به‌هۆی نه‌بوونی ئیمه‌نی شوێنی كار له به‌رزایی به‌ربوونه‌وه خواره‌وه و گیانیان له‌ده‌ست داوه. جێگای ئاماژه‌یه كه ته‌رمی ئه‌و دوو كرێكاره له‌لایه‌ن هێزه‌كانی فریاگوزاری خێراوه ده‌هێندراوه و ڕاده‌ستی پزیشكی داد كراوه.