بەپێی ڕاپۆرتەکان، هاووڵاتییەکی بەلووچ لە کاتی هاتووچۆدا لە ناوچەی «نەهبەندان» کەوتە بەر دەستڕێژی گوللـەی هێزە ئەمنییەکان و دەستبەجێ گیانی لەدەست دا.
ئەم هاووڵاتییە ناوی «عەبدولباست نوتیزێهی»یە و بەبێ هیچ هۆشدارییەکی پێشوەختە و بەبێ بوونی هیچ بەڵگەیەک کراوەتە ئامانج. سەرچاوەکان ڕایانگەیاندووە کە بنەماڵەکەی دوای دوو ڕۆژ لە بەدواداچوونی بەردەوام، لە گیانلەدەستدانی کوڕەکەیان ئاگادار کراونەتەوە.
