ڕۆژی دووشه‌ممه ٥ی خه‌رمانان، خانه‌نشینكراوانی موخابرات له شاره‌كانی كوردستان و ئێران له ئاست دۆخی خراپی پیشه‌یی و مه‌عیشه‌تی ناڕه‌زایه‌تیان ده‌ربڕی.
به‌پێی ڕاپۆرته‌كان، خانه‌نشینكراوانی موخابرات له شاره‌كانی سنه، كرماشان، ورمێ، خۆڕه‌م ئاوا، هه‌مه‌دان، به‌نده‌رعه‌باس، ئیسفه‌هان، ئه‌هواز، تاران، ڕه‌شت، ئه‌رده‌بیل، ته‌ورێز و چه‌ند شاری دیكه‌ی ئێران له به‌رده‌م ڕێكخراوی موخابرات خۆپێشاندانیان كردووه. خانه‌نشینكراوانی موخابرات خوازیاری زیادكردنی ئاستی حه‌قده‌ست و مه‌زایا، هاوسانسازی حه‌قده‌ست، دابینكردنی بیمه‌ی ده‌رمانی و پێدانی داخوازییه دواخراوه‌كانیان بوون.