موژگان كاڤووسی، مامۆستای زمانی كوردی و چالاكی مه‌ده‌نی خه‌ڵكی مازه‌نده‌ران، له‌لایه‌ن ده‌زگای قه‌زایی ڕژیمه‌وه به یه‌ك ساڵ زیندانی ته‌عزیزی مه‌حكووم كرا.
مازیار تاتایی، پارێزه‌ری موژگان كاڤووسی له پیامێك دا ڕایگه‌یاندووه كه حوكمی پێشووی ٦١ مانگ زیندانی ئه‌و چالاكه مه‌ده‌نییه پاش ده‌ربڕینی ناڕه‌زایه‌تی و ناردنی په‌روه‌نده‌كه‌ی بۆ دیوانی باڵای وڵات بۆ ١٢ مانگ كه‌م كراوه‌ته‌وه.شایانی باسه كه موژگان كاڤووسی پێشتر و له سه‌رده‌می شۆڕشی ژیناش چه‌ند جار بانگهێشت و ده‌ستبه‌سه‌ر كرا و پێشینه‌ی زیندانی هه‌یه.