کۆمەڵانی تێکۆشەری خەڵکی کوردستان بنەماڵەی ئازیز و سەربەرزی گیانبختکردوانی کۆمەڵە و ڕیبازی سوسیالیستی تێکۆشەرانی کۆمەڵە لە تشکیلاتی نهێنی، دەرەوەی وڵات و بەشی عەلەنی و پێشمەرگانە، خەباتکارانی شۆڕشی ” ژن ، ژیان ، ئازادی ” سڵاوی گەرمی ئێمەتان پێشکەش بێت.
ئێجازە بدەن سەرەتا سڵاو بنێرین بۆ یادی هاوڕێ ڕابەر و لە دامەزرێنەرانی کۆمەڵە کاک حەمەحسێن کەریمی کە رؤژی گیانبختکردنی ئەو ئازیزە، ڕۆژی ئاشکرا بوونی خەباتی نهێنی کۆمەڵە پاش ٩ساڵە. سپاسی بێ پایانی خۆمان پێشکەش بکەین بە کۆمەڵانی خەڵکی تێکۆشەری کوردستان کە لە ماوەی ئەم مێژووە دوور و درێژەدا هەرگێز پشتیوانی خۆیان لە کۆمەڵە درێغ نەکرد و بە هەموو شێوەیەک پشت و پەنای بوون. لە ڕۆژی کۆمەڵەدا ، یادی گیانبەختکردوانی ڕێبازی کۆمەڵە و حیزبی کۆمۆنیستی ئێران دەکەینەوە کە چ لە ڕیزی هێزی پێشمەرگەدا و چ لە زیندانەکانی رژیمدا؛ بە بەختکردنی گیانی خۆیان وەک ئەستێرەیەکی درەوشاوە ڕێگای بەردەوام بوون و بەورەوپێشچوونی ئێمەیان ڕۆشن کردەوە. سەری ڕێز دادەنەوێنین بۆ بنەماڵه سەربەزەکانیان کە بە سەبووری خۆیان وانەی خۆڕاگرییان بە ئێمە دا.
دروود دەنێرین بۆ زیندانیانی سیاسی خۆڕاگر کە ئێستا لە گرتووخانەخۆفناکەکانی رێژمدا ئەسیرن و لە سەر ڕێباز و ئامانجەکانی خۆیان بەردەوامن. ڕێز دەگرین لە خەباتی هەزاران تێکۆشەری ڕێبازی سۆسیالیستی کۆمەڵە لە ناوەوە و دەرەوەی وڵات کە تەمەنی لاوێتی خۆیان لە ڕیزەکانی کۆمەڵەدا تێپەڕکرد و تەنانەت بەشێکی زۆریان لەو پێناوەدا ڕەنجی کەم ئەندامبوونیان تەحەمول کرد.
سڵاو دەنێرین بۆ گیانبختکردەوانی قارەمانی شۆڕشی “ژن ، ژیان، ئازادی” و ستایشی تێکۆشەران و درێژەدەرانی ئەو شۆڕشە مەزنە کۆمەڵایەتییە دەکەین.
جەماوەری تێکۆشەری کوردستان:
ئەمساڵ یادی ڕۆژی کۆمەڵە لە هەلومەرجێکدا دەکەینەوە کە جیهانی ئەمڕۆ، ناوچەکە، ئێران و کوردستان بە هەموو بەشەکانیەوە، هه‌م ساڵێكی سه‌ختیان نایه پشت سه‌ر و هه‌م ئێستاش بە بارودۆخێکی گەلێک هەستیار و دژواردا تێپەر دەبن.
هێشتا قەیرانی ئابووری ساڵی ٢٠٠٨کە لە ئەمریکاوە سەری هەڵدا و قورسایی بە سەر جیهان و بەتایبەت چینی کرێکار و کەم دەرامەدی دونیاوە مابوو، کە پەتای کرۆنا بە ئاکامە کۆمەڵایەتی و ئابورییەکانییه‌وه دەستی پیکرد و جیهانی نوقمی کارەساتێکی گەورەی مرویی ، ئابووری و کۆمەڵایەتی و بێهداشتی کرد. کڕونا بە تەواوی کۆتایی نەهاتبوو کە كه مۆته‌كه‌ی تیرۆریسم و كوشتنی خه‌ڵكی بێدیفاع وشەڕ و کاولکاری بە سەر سەری ئەم یا ئەو بەشی دونیادا هه‌روا دەسوڕێتەوە و شەری ئەمپریالیستی ئوکراین و تاوانەکانی پێی ناوەتا دووهەمین ساڵی خۆی و زیانە ئابووری و کۆمەڵایەتییەکانی نەک هەر بۆ ئینسانەکان لە ئوکراین و روسیە ، بەڵکوو بۆ سەر ژیان و گوزەرانی هەموو بەشەرییەت حاشاهەڵنەگرە. ئەم شەرە وێرانکەرە، ئاوارەبوونی به میلیۆنان كه‌س و کوژران و برینداربوونی به سەدان هەزار کەسی لێ کەوتۆتەوە. هێشتا ئەم شەڕە کۆتایی نەهاتووە، کە شاهیدی پاکتاوكردنێكی نەتەوەیی بووین لە قەرەباغ لەلایەن ئەرتەشی ئازەربایجانەوە، كه بە هاوکاری دوو دەوڵەتی تورکیە و ئیسرائیل به‌ڕێوه‌چوو. هاوکات درێژەی پەلاماری سپای تورکیه بۆ سەر رۆژئاوای کوردستان بە ئامانجی لەناوبردنی ژێرخانی ئابووری و گۆڕینی دێمۆگرافی ئەو ناوچەیە، و بەرگری لە پێشرەوی و بە ئاکام گەیشتنی ئەزموونی ڕۆژئاوا لە نێو کاوڵکاری و تاریکستانی ڕۆژهەڵاتی ناوەڕاستی بە دوودا هات .
کارەساتیجینۆسایدێکیبێبەزەییانەووێرانکردنیتەواوەتیکەرتیغەززەبەبیانوویتاوانیجنایتکارانەیحەماسلەڕۆژی٧یئوکتۆبری٢٠٢٣،كه‌وەکگەوەترینزیندانیسەرئاواڵەیجیهانده‌ناسرێلەلایەندەوڵەتیرەگەزپەرەستیئیسرائیلەوەدڕێژەیهەیەو٤مانگیتێپەراند و ١٠٠هەزار کوژراو و بریندار و سەدان هەزار ئاواری لێکەوتەوەتەوە.وادیارە ڕەگەزپەرەستانی دەستەڕاستی ئیسرائیل بە هێج شتێک بە غەیری وێرانکردن باریکەی غەزە و کوشتن یا ڕاگوێزانی دانیشتووانی ڕازی نابن. درێژەی دەسەڵاتی ڕژیمی کۆنەپەرەستی ئایینی شیعە لە ئێران و ئایینی سوننی تاڵیبان لە ئەفغانستان؛ پەرەسەندنی هەژاری لە ئەفریقا و بەشێک لە ئەمریکای لاتین کە شەپۆلێکی بەربڵاوی ئاوارەبوونی لە جیهاندا خستووەتە‌ڕێ، قەیرانی قووڵی ژینگەیی، لە پاڵ هەموو ئەمانەدا پەرەسەندنی نفووز و کاریگەریی حیزب و ڕەوتە نیئۆفاشیستەکان لە ئیتالیا، سوئد، هولەند، ئیسپانیا، ئاڵمان، فەڕانسە، ئەمریکا و ئارژانتین، ئەوانە هەمووی ئەو راستیەمان پێدەڵێن کە نیزامی چینایەتی سەرمایەداری گەیشتووەتە ئەوپەڕی گەندەڵی خۆی و سەڵاحیەت و توانایی بەڕیوەبردن و مودیریه‌تی جیهانی ئەمڕۆی لە مێژە نەماوە. ئه‌و نیزامه كه خۆی ڕۆژگارێک هۆكاری گه‌شه‌كردنی ئابووری و كۆمه‌ڵایه‌تی کۆمەڵگا بوو، ئێستا بۆته كۆسپ له سه‌ر رێگه‌ی هه‌ر ئه‌و ڕه‌وته.
تێگەیشتن لەو ڕاستییه پێمان دەڵێ کە مرۆڤایەتی بۆ ڕزگار کردنی خۆی لەو زه‌لكاوه‌ی کە نیزامی سەرمایەداری تێیدا ده‌ست و پێ لێ ده‌دات، پێویسته قۆڵی هیمەتی لێ هه‌ڵماڵێ و ڕەوتیبەرە و پێشچوونی جیهان بێنێتەوە سەر هێلی خۆی و ئاسۆی سوسیالیسم واته جیهانیبێ چه‌وسانه‌وه و هه‌ڵاواردن ئازاد و یه‌كسان و خۆشگوزەران، به دووڕ له شه‌ڕ و ماڵوێرانی، وتیکدان یژینگە، بەرەوڕووی کۆمه‌ڵگای مرۆڤایەتی بکاتەوە.
ئێمە لە کوردستان ولە ئێران بە بەشی خۆمان و بەپێی توانای یخۆمان و به هیمه‌تی كۆمه‌ڵانی كرێكار و زه‌حمه‌تكێش و ئازادیخواز و سته‌ملێكراو بۆ وه‌دیهێنانی ئەو ئامانجه،ئامانجی گەیشتن بە جیهانی ئازاد و بەرابەر تێدەکۆشین.
ژنان و پیاوانی ئازادیخوازی کوردستان:
هێرشی ئاسمانیی دڕندانه‌ی سپای توركیه بۆ سەر ناوچەکانی ژێر دەسەڵاتی هێزەکانی سوریای دێموکراتیك له ڕۆژئاوا كه بێ پسانه‌وه له ئارادایه، نموونەی بەرجەستەی تاوانێکی جەنگی بە تەواو مانایە. ئەو ئامانجانەی کە ئەرتەشی جینایەتکاری تورکیە دەست نیشانی کردوون، دەریدەخات کە مەبەستی دەوڵەتی تورکیە هاوکات لەگەڵ کوشتاری خەڵکی بێ دیفاع و لەناوبردنی سامان و ژێرخانی ئابووری، لەناوبردنی دامەزراوە مەدەنییەکان و ناچارکردنی خەڵک بە چۆڵکردنی ناوچەکە و سەرەنجام شکست پێهێنانی دەسەڵاتی خۆبەڕێوەبەری دیمۆکراتیک لە ڕۆژئاوایە. لە بارودۆخێکدا کە دەوڵەتی تورکیە ڕاستەوخۆ، ئازادی و مافی ئەو خەڵکەی بۆ بەڕێوەبردنی کاروباری ژیانی خۆیانی کردووەتە ئامانج، لە حاڵێکدا کە دەوڵەتی ئەمریکا لەپێناو دابینکردنی بەرژەوەندییەکانی خۆیدا چاوپۆشیكردن لە دەوڵەتی تورکیەی بەلاوە گرنگترە تا پشتیوانیکردن لە خەڵکی ڕۆژئاوا، لە هەلومەرجێكدا کە سەرجەم دەوڵەتەکانی ناوچەکە و لەوانە کۆماری ئیسلامی و ڕژیمی بەشار ئەسەدیش، بەکردەوە هاوئاهەنگ لەگەڵ دەوڵەتی تورکیە هەڵسوکەوت دەکەن، لەوەها بارودۆخێکدا، تاکە لایەنگر و پشتیوانی ڕاستەقینەی بزووتنەوەی ڕۆژئاوا بریتییه لە خەڵکی ئازادیخوازی ناوچەکە و جیهان، پشتیوانیی هەمەلایەنە لەو خەڵکە ئازادیخواز و مافخوازه‌ی کە بەم چەشنە لەلایەن هێزە فاشیستەکانی دەوڵەتی تورکیە و بەکرێگیراوەکانیانەوە هێرشیان کراوەتەسەر، پێویستییەکی بەپەلە و هەنووکەییە، لە هەموو ئاستەکاندا.
لە تورکیا دەوڵەتێکی ڕەگەزپەرست و ئیسلامی دەسەڵاتدارە کە مافە نەتەوایەتی و ئینسانیەکانی خەڵکی کورد بە ئاگر و ئاسن و ئەشکەنجە و زیندان پێشێل دەکات و ئامادە نییە بوونی کوردان وەکوو نەتەوەیەک له‌و وڵاته‌دا بسەلمێنێ؛ نوێنەرانی هەڵبژاردەی خەڵک دەخاتە زیندانەوە و لە ڕۆژئاوا و له باشووریش بەکردەوە بەشێکە لە دەسەڵاتی داگیرکاری لەو بەشانەی کوردستان.
له کوردستانی ئێران، سەرەڕای گوشار و گرتن و هەڕەشەکانی ڕژیم، خەباتی کۆمەڵانی خەڵک لە فۆرمێکی مەدەنی و جەماوەریدا هەروا بەردەوامە و هەڵسووڕاوانی ئەو بوارە لە کوورەی ئەو خەباتەدا ڕۆژ بەڕۆژ خاراوتر ده‌بن و ئەزموونی زیاتر بەدەست دەهێنن. چالاکییە مەدەنییەکان لە بوارەکانی دادخوازیی بنەماڵەی گیانبەختکردووان کە پشتیوانییەکی بەربڵاوی جەماوەریی بۆلای خۆی ڕاکێشاوە، خەباتی ژنان بۆ مافی ئازاد و یەکسان لە هەموو بوارەکاندا و بە تایبەت لە ژێرپێ نانی یاساو و ڕێسای حکومەتی دژ بە حیجاب و سەرپۆشی دیلیەتی و زۆرەملێ ، خۆ ڕێکخستن لە ڕێکخراوە پیشه‌یی کرێکارییەکان و موعه‌لیمان، خۆ ڕێکخستن بۆ بەرگریکردن لە ژینگە، خەبات لەپێناو پەرەپێدانی خوێندن بە زمانی دایکی، چالاکییە هونەرییەکانی له بواری مۆسیقا و شانۆ و ئەدەبیات و هیتر، به شێوه‌یه‌كی ڕێکخراو له په‌ره‌سه‌ندندان. کۆمەڵە بە گەرمی پشتیوانی لەو چالاکیانە دەکات و لایه‌نگرانی كۆمه‌ڵه هانده‌دات کە بە بەشداری بەرچاو و چالاکانەی خۆیان لەو کۆروکۆمەڵانەدا، ئەو حەرەکەتانە بەهێزتر بکەن.
جەماوەری خەباتکاری کوردستان:
بارودۆخی سیاسی ئێستای ئێران، به ده‌سه‌ڵات و به جه‌ماوه‌ره‌وه له به‌رده‌م گۆڕانکاریگه‌لێكی هه‌ستیاردایه. ئه‌و گۆڕانكاریانه ده‌توانن هه‌م هیوابه‌خش و ڕزگاریده‌ر بن و هه‌م هه‌ستیار و مه‌ترسیدار. ئه‌وه‌نده‌ی پێوه‌ندی به ده‌سه‌ڵاته‌وه‌یه کۆماری ئیسلامی له سەرجەم بوارەکانی سیاسی، ئابووری، ئیدئۆلۆژیك و سیاسه‌تی دەرەوەدا، لەگەڵ کۆمەڵێک قەیرانی چارەسەر هه‌ڵنه‌گر بەرەوڕووه و لە هیچ بوارێکدا قسەیەکی ئەوتۆی بۆ وتن و ڕێکارێکی و چارەسەرکردن بۆ نەماوەتەوە. لەناوخۆی حکوومەتدا پاکتاوکردنه‌كان بازنه‌ی ده‌سه‌ڵاتیان وه‌ها به‌رته‌سك كردۆته‌وه كه له‌وه زیاتر ته‌نیا ده‌توانێ له رێگه‌ی كودتایه‌كی سپی یان خوێناوی، به تایبه‌ت بۆ پاراستنی ئیمپراتۆریه‌كی به هێزی ئابووری كه فه‌رمانده‌‌كانی سپای پاسداران وخانه نشینەکانیان به‌ڕێه‌وه‌ی ده‌به‌ن مسۆگەر بێت.
لەسیاسەتیدەرەوەداسەرەڕایئیدیعابێبنەماکانیسەبارەتبەشەڕیغەززە،لەبەرامبەرئەمریکاوئیسرائیلداپاکانەبۆخۆیدەکاتوخۆیبەبێتاوانناودەبات،تائه‌وجێگه‌یه‌یكه‌خامنەییبەوپەڕیڕیاکارییەوەدەڵێت: ” ئامانجی کۆماری ئیسلامی هەرگیز لەناوبردنی ئیسرائیل نەبووە!” به‌م بۆنه‌وه‌یه كه ده‌توانین بڵێین كه خامنه‌یی یه‌كێك له دۆڕاوه‌كانی شه‌ڕ له غه‌ززه‌یه. ئاشتبوونه‌وه له‌گه‌ڵ عه‌ره‌بستانی سعوودی له پێگه‌یه‌كی لاوازه‌وه به‌رێوه ده‌چێت. ڕژیم خۆی لەو ئاستەدا نابینێت کە بەدواداچوون بۆ داواکارییەکانی سەبارەت بە پشکی ئاوی چۆمی هیرمەند لە تاڵیبان بکات، سەبارەت بە مەسەلەی داگیرکردنی ڕێڕەوی سنووری ئەرمەنستان و ئێران لەلایەن ئازەربایجانەوە، بێدەنگی هەڵبژاردووە و گەلێک نموونەی تری لەو چەشنە.
لە وەها بارودۆخێکدا ڕژیم ڕووبەڕوو بوونەوەی چاره‌نوس ساز لەگەڵ زۆربەی هەرەزۆری خەڵکی ئێران بە ئەگەرێکی جیددی دەزانێ و پێوه‌ندی له‌گه‌ڵ ئه‌و جه‌ماوه‌ره له سه‌ر بنه‌مای زۆر و سه‌ركوت دامه‌زراندوه. هه‌ر بۆیه لە لایەکەوە سیاسەتی سەرکوتکردنی پەرەپێداوە و لە لایەکی دیکەشەوە بەشوێن پته‌وكردنی ڕیزی لایەنگران و هێزه‌كانی خۆیەوەیەتی کە لە باشترین حاڵەتدا، ژوماره‌یان ناگات به له سه‌دا ده‌ی كۆمه‌ڵگای ئێران. بەڕێکەوت نییە ئەگەر دەبینین پەنای بردووەتە بەر بەلەمەی شکاوی سەپاندنی حیجابی زۆرەملی تاكوو له لایه‌كه‌وه پاشماوه‌ی دواكه‌وتوویی و پیاومه‌زنی بكاته پێگه‌ی كۆمه‌ڵایه‌تی بۆ خۆی و حیزبوڵلای ده‌مارگرژی پێ رێك بخات و له لایه‌كی دیكه‌وه هه‌یمه‌نی خۆی به كۆمه‌لگا نیشان بدات.
له ئاستی جه‌ماوه‌ردا شۆڕشی ژینا ئاڵوگۆڕێکی قووڵی فەرهەنگی لە ناخی کۆمەڵگای ئێراندا بەرامبەر به فەرهەنگی زاڵ پێکهێناوە. ئەم شۆڕشە لە شکڵ و شێوازی نوێی خۆیدا هەروا بەردەوامە. حیجابی زۆره‌ملی له لایه‌ن ژنانی ئازادیخواز و به پشتیوانی پێاوانی یه‌كسانیخۆاز تووڕ هه‌ڵده‌درێ و هه‌موو گه‌ڵاله و په‌سندكراوه‌كانی ڕژیم بۆتە بڵقی سه‌رئاو. ئه‌گه‌ر بۆ وشه‌ی ژن له درووشمی ” ژن، ژیان، ئازادی” دا وه‌ها ئاستێك له خه‌بات و خۆڕاگری ده‌بینین، له پێناوی ژیانیش دا شه‌قامی شاره‌كانی ئیران هه‌رگیز له كرێكاران، خانه‌نشینان، مافخوازان، بنەماڵەی دادخوازان و … چۆڵ نه‌بووه و ئه‌و بواره‌ش له خه‌باتی مه‌ده‌نی له ناوه‌رۆكی خۆیدا درێژه‌ی شۆڕشی ژینایه له پێناوی ژیاندا.
ئه‌م بارودۆخه به گشتی ئه‌گه‌ری نزیكبوونه‌وه‌ی ئۆپۆزسیونی بورژوایی له ده‌ره‌وه‌ی وڵات كه هه‌وڵده‌دات پشتیوانی و متمانەی ده‌وڵه‌تانی ڕۆژئاوا و به تایبه‌ت ده‌وڵه‌تی ئامریكا به ده‌ست بێنێت، له‌گه‌ڵ ئۆپۆزسیونی ڕیفورمخوازی ناوه‌وه‌ی وڵات كه له ده‌سه‌ڵات دوور خراوه‌ته‌وه و ده‌توانێ به خێرایی ببێ به خاوه‌نی ڕێکخراوی گه‌وره، پێكهێناوه. ئەم هەوڵانە دەتوانێت بۆ داهاتووی ئه‌و وڵاته جێی مه‌ترسی بێت و دوای ئه‌و هه‌مووه ڕه‌نج و قوربانی دانه خه‌ڵكی ئه‌و وڵاته له چاڵێكه‌وه بخاته چاڵێكی قووڵی دیكه‌وه. به‌ڵام ئەگەر هێزه چه‌په‌كان لەو هەلومەرجەی ئێستادا سیاسەتێکی به‌رپرسانه و ژیرانە ڕچاو بکەن، ئەم قەیرانەی ئێستا دەتوانێت ببێتە هەلێکی مێژوویی بۆ بەهێزکردنی هێزە چەپ و سۆسیالیستەکان و کردنیان بە هێزێکی جەماوەریی و کاریگەر.
کۆمەڵانی تێکۆشەر و خەباتکاری کوردستان:
پێویستە جارێکی دیکە تایبەتمەندیەکانی کۆمەڵگای کوردستان کە ژینگەی چالاکی و تێکۆشانی ئێمەیە بیر بخەینەوە. سەرەکیترین تایبەتمەندی بریتیە لە ورەی بەرز و ئامادەیی خەڵکی کوردستان بۆ خەبات لە پێناوی ئازادی و مافی پێشێلکراویان و بۆ بەهرەمند بوون لە ژیانی باشتر. ئیمە شانازی دەکەین بەوەی کە لە ناو جەرگەی جەماوەرێکی ئاوا پێشکەوتنخواز و خەباتکاردا دەژین و لە ناو دڵی ئەواندا جێگەی خۆمان کردۆەتەوە. خەباتی یەکگرتووانە و سازماندراو دووهەمین تایبەتمندی کوردستانە. لە ڕۆژانی ڕابردوودا شاهدی چەند دیمەنی شکۆدار لە خەباتی یەکگرتووانە و سازماندراوی خەڵکی کوردستان بۆ بەرز ڕاگرتنی یادی ٣ شاخەوانی گیانبختکردوو لە شاری نەغدە ، ناشتنی تەرمی لاوێکی وەرزشوان لە گۆڕستانی ئایچی شاری سەقز و مانگرتنی شکۆار دژ بە ئێعدامی چوار بەندکراوی سیاسی بووین کەدیمەنگەلێکی شکۆداری دیکە لە خەبات و خۆراگری ئەو جەماوەرە کۆڵنەدەرە و زیندوو بوونی شۆڕشی “ژن ، ژیان، ئازادی” یان بە هەمووان نیشاندا . بانگەوازی مانگرتنی گشتی لە ماوەیەکی کورتدا کە بۆ راگەیاندن و ئامادەکاری لەبەردەست بوو، بە میلیونان خەڵکی ئەو وڵاتە بە دەنگمانەوە هاتن و پەیامی خۆراگری و موقاوەمەتیان بە هەموو جیهان گەیاند . ئەوان بەو حەرەکەتەی خۆیان بە کردەوە نیشانیان دا کە رێگە نادەن کۆماری ئیسلامی هەر وا بە بێ هەزینەی گران رۆڵەکانمان لە بەندیخانەکاندا بکات بە پەتی سێدارەوە. لەم رۆژانەدا و هاودەنگ لەگەڵ ژنانی تێکۆشەری مانگرتوو لە زیندانەکانی ئێران بەرانبەر بە ئیعدامی خەباتکارانی ئەو وڵاتە، دەنگی ناڕەزایەتی و خەباتیان بەرز کردەوە. وەها بەرز که هەموو جیهان بیبیستێ و بە سەهمی خۆی هەنگاوێکی دیکە رژیمی ئیسلامی لە نەمانی یەکجاری نزیک دەکاتەوە.
خەلکی خەباتکاری کردستان:
کۆماری ئیسلامی ڕایگەیاندووە لە رۆژی جومعە ١١ی مانگی رەشەممە؛ گاڵتەجارێک بەناوی هەڵبژاردنی “مەجلیسی شۆرای ئیسلامی” و هەڵبژاردنی “مەجلیسی خوبرەگان ” بەرێوە دەبات. هەموان ئەو راستیە دەزانن کە له سەرهەڵدانی زستانی ٩٨ بەو لاوە ئیتر سندودقی دەنگ دان لە لای زۆربەی هەرە زۆری جەماوەری خەڵکی ئەو وڵاتە بایخی پوشێکی نەماوە و تەنانەت بەشێک لە دەست و پێوەندەکانی تا دوێکەی کۆماری ئیسلامیش ئەمرۆکە قسه لە بایکوت کردنی ئەو بە ناو هەڵبژارنە دەکەن و ئێمە دڵنیاین کە کۆمەڵانی خەڵک لە کوردستان و لە سەرتاسەری ئێران بە بەشداری نەکردن لە گاڵتەجارێک بە ناوی هەڵبژاردن ئیرادەی خۆیان لە دژی مەوجودیەتی ئەو ریژیمە بە هەموو جیهان نشان دەدەن؛
جەماوەری دڵسۆزی کوردستان:
له كۆتاییدا پێویسته ئاماژه به بابه‌تێكی تایبه‌تیش بكه‌ین كه بریتییه له‌و گوشارانه‌ی كه كۆماری ئیسلامی ئێران خستوویه‌ته سه‌ر حكومه‌تی هه‌رێمی كوردستان بۆ سنورداركردنی مه‌ودای چالاكی حیزبه سیاسیه‌كانی نیشتەجێ له‌و هه‌رێمه.
سیاسەتی کۆمەڵە به‌رامبه‌ر به‌م پرسه له سه‌ر ئه‌م بنه‌مایانه‌ی خۆاره‌وه دامەزراوە :
یەکەم. لەسەر پێویستی و گرنگی بەردەوامبوونی چالاکی سیاسیی کۆمەڵە لە هەرێمی کوردستان، پێداگری ده‌كه‌ین. ئەگەر ئەم چالاکییانە لە وڵاتەکانی ئەوروپا و کانەدا و زۆرێک لە وڵاتانی دیکەی جیهان مومکینە، ئەم ئیمکان و پێویستییە لەم ناوچەیە بە هۆکاری جۆراوجۆر دوو هێندەیە. خەڵکی کوردستانی ئێران و عێراق، وەک دوو بەشی یەک نەتەوە، هاوچارەنووسن. لە سەرکەوتن و شکستەکانی یەکتردا هاوبەشن و بە یارمەتی یەکترەوە چوون. پەیوەندییەکی کۆمەڵایەتی قووڵ و بەربڵاو لە نێوان جه‌ماوه‌ری ئه‌م دیو و ئه‌و دیوی سنووردا هه‌یه كه كه‌س ناتوانێ نکۆڵی لێبكات. ساڵانە دەیان هەزار کرێکار لە کوردستانی ئێرانەوە بۆ کارکردن دێنە هەرێمی کوردستان. هەزاران کۆڵبەری زەحمەتکێش لە ڕێگای ئاڵوگۆڕ و هێنان و بردنی کاڵا لە نێوان هەردوو دیوی سنوورەکەدا، بژێوی ژیانیان دابین دەکەن. پێوەندییەکی سروشتی بەربڵاو لە نێوان هونەرمەندان و ڕووناکبیرانی هەردوو بەشی کوردستان دروست بووە و تا ڕادەیەک جێکەوتووە، جگە لەوەش هێزە سیاسیەکانی ڕۆژهەڵاتی جێگیر لە باشوور لە ماوەی ٤٠ ساڵی ڕابردوودا لە داوێنی پڕ لە مێهرەبانی خەڵکی کوردستانی عێراقدا درێژەی بە چالاکییەکانی خۆیداوە و لە پشتیوانی جەماوەریی بەهرەمەند بووه.
دووەم: کۆمەڵە هەرگیز نەیویستووە کە تێچووی چالاکییە چەکدارییەکانی خۆی، بخاتە سەرشانی خەڵکی هه‌رێمی كوردستان و ساڵانێکی زۆرە سنوورەکانی ئەو دوو پارچەی کوردستانی بۆ چالاکی چەکداریی دژ بە کۆماری ئیسلامی، بەکارنەهێناوە. ئه‌م سیاسەته هەم هاوئاهەنگ و گونجاو بووە له‌گه‌ڵ بەرژەوەندییەکانی خەڵک لە کوردستانی ئێران و ئه‌وله‌ویه‌ته‌كانی ستراتێژی كۆمه‌ڵه له بزووتنەوەی شۆڕشگێڕانە‌ی كوردستان دا و هەم لەبەرچاوگرتنی بەرژەوەندییەکانی خەڵکی کوردستانی عێراق، بۆ ئەوەی کە هیچ بیانوویەک بەدەست کۆماری ئیسلامییە نەدات کە بەهۆیەوە ئەمنییەت و بژێوی ئەو خەڵکە بە بارمتە بگرێت. کۆمەڵە لەسەر ئەم سیاسەتە هەروا بەردەوام دەبێت.
سێیەم: ئەم سیاسەتە لە ڕێگەی وتووێژ و هەماهەنگی و ڕێککەوتن لەگەڵ حکوومەتی هەرێمی کوردستان و لە چوارچێوەی چارەسەری کردەیی، پەیڕەو دەکرێت، بۆ ئەوەی، یەکەم، لەگەڵ پاراستنی ئیعتباری سیاسی و پرنسیپەکانی ئێمە ناکۆک نەبن و دووهەم، گوشارەکانی کۆماری ئیسلامی لەسەر حکوومەتی هەرێمی کوردستانیش کەم بکاتەوە.
چوارەم: کۆمەڵە هەوڵ دەدات لە پێوەندی لەگەڵ ئەم پرسەدا، زۆرترین هاوکاری و هەماهەنگی هەبێت لەگەڵ باقی ئەو هێزە ئۆپۆزسیۆنانەی کە لە هەلومەرجێکی هاوشێوەدان لە هەرێمی کوردستان، بۆ ئەوەی کە تا ئەو جێگایەی دەتوانرێت، سیاسەتێکی هاوبەش لەم بوارەدا بگیرێتەبەر.
پێنجەم :هێزە سیاسیەکانی ڕۆژهەڵاتی کوردستان کە ماوەیەکی دوورودرێژی لە باشووری کوردستان چالاکی سیاسی دەکەن، ئاوارە و لێقەوماوی شەر نین، بەڵکوو حیزبی سیاسی خاوەن مێژوو و خەبات و نەیاری کۆماری ئیسلامین. پێویستە و دەبێ وەک حیزبی سیاسی چاویان لێ بکرێ .درێژەی مەجالی چالاکی سیاسییان پێ بدرێت و حکومەتی هەرێمی کوردستان و لایەنە بەرپرس و دەسەڵاتدارەکانی هەرێمی کوردستان وڵامی فشار و زەخت و زۆرەکانی کۆماری ئیسلامی نەدەنەوە و ئیجازە نەدەن کۆماری ئیسلامی و دەست و پێوەندەکانی لە بەغداد بە پیلانگێری، ڕابردووی هاوبەش و خەباتکارانەی خەڵکی کورستانی ڕۆژهەڵات و باشووری کوردستان تێک بدات.
کۆمەڵانی مافخوازی کوردستان:
کوردستان لە ماوەی ٤٥ ساڵی ڕابردوودا بەشێکی جیانه‌کراوە لە ڕووداوە سیاسی و گرینگەکانی ئێران و ناوچەکە بووه. ڕه‌وتی ڕوداوە‌كان و ئه‌زموونی ئه‌وماوه‌یه پێمان ده‌ڵێت کە سه‌رڕاست ترین و ئاسانترین رێگا بۆ به سه‌مه‌ر گه‌یشتنی بزوتنه‌وه‌ی شۆڕشگێڕانە‌ی كوردستان و گەیشتن بە ویست و خواستە نه‌ته‌وایه‌تی، کۆمەڵایەتی ، ئابووری و سیاسیەکانی خه‌ڵكی كوردستان هاوخەباتی لەگەڵ کرێکاران و ستملێکراونی ئێران و ناوچەکەیە. ئەزموونی بەشەکانی دیکەی کوردستانیش لە ساڵانی ڕابردوودا ئەم ڕاستیەمان پێ دەڵێت کە چارەنووسی دەسەڵاتی سیاسی هەر وڵاتێک کە خەڵکی کوردی تێدایە لە ناوەندی ئەو وڵاتە دیاری دەکرێت، نە لە لایەن زلهێزە ئەمپریالیستییەکان و دوژمنانی خەڵکی کورد لە شوێنەکانی دیکە کە بە شوێن بەرژەوەندی خۆیانەوەن. ئەم لێکدانەوەیە بەم مانایە دێت کە خەباتی خەڵکی کوردستان بە هیچ جۆرێک نابێت لە خەباتی خەڵکی ئازادیخوازی ئێران و لە بەرەی چەپ و کرێکاریی و شۆڕشگێڕی ئەو خەباتە داببڕێت. بۆ کۆمەڵە گرینگە و هەوڵدەدات کە بەرەی چەپ و سوسیالیستی لە ئاستی کوردستانی ڕۆژهەڵات ، لە ئاستی ئێران و ئەو وڵاتانەیش کە خەباتی ئازادیخوازانەی خەڵکی کوردستان بۆ مافە سیاسی و نەتەوەیەکانیان لە ئاڕادایە یەک بەخات و لە یەک نزیک بکاتەوە.
کۆمەڵە هەر ئەو هێزە کۆمۆنیست و شۆڕشگێڕەی جارانە کە له خاڵه وه‌رچه‌رخانه میژوویه‌كاندا تاقی كراوه‌ته‌وه . هه‌ڵوێسته‌كانی له قۆناغی هه‌ستیاردا متمانه‌ی جه‌ماوه‌ری به ده‌ست هێناوه. نموونه‌كانی كه‌م نیین و له بیرمان نه‌چونه‌ته‌وه. له داهاتووشدا دیسانیش ده‌كه‌وێته وه‌ها قۆناغگه‌لێكه‌وه. به‌و پێشینه‌و به عه‌قڵ و ته‌جروبه و زانستێك كه به‌ده‌ستی هێناوه، دڵنیاین كه ده‌توانێ سه‌ربه‌رز و سه‌ركه‌وتوو لە مەیدانی خەباتی ئەمڕۆمان و بەرەو پێشبردنی شۆڕشی “ژن،ژیان،ئازادی” بێته ده‌رێ. ئەگەر باس لە خاڵە گرنگە مێژووییەکان دەکەین بۆ ئەوە نییە سەرینی ئارخایەنی لەبن سەر بنێین و میداڵی سەرکەوتن بە سینگمانەوە هەڵواسین. بەڵکوو بۆ ئەوەیە بیانکەین بە توێشووی ڕێگای بەرەوپێشچوونمان– بۆ سەرکەوتن . لە هەمانکاتیشدا لە هەڵەکان ئەزموون وەرگرین و دووپاتیان نەکەینەوە.
متمانه به كۆمه‌ڵه بكه‌ن، پاڵپشتی بن، دڵنیاین هه‌موومان پێكه‌وه سه‌رده‌كه‌وین.
بژی کۆمەڵە ، بژی سوسیالیسم .
ئێوەیش هەر شاد و سەربەرز بن.