ڕۆژی یهكشهممه ١ی ڕێبهندانی ١٤٠٢، كرێكارانی ڕهسمی نهوتی شاغڵ له ناوچه عهمهلیاتیهكانی ئاغاجهری، دوورگهی سیری و خارك له ناڕهزایهتی به جێبهجێ نهكردنی داخوازییهكانیان كۆبوونهوه.
كرێكارانی ڕهسمی نهوت خوازیاری ولانانی سهقفی حهقدهست، وهلانانی ئاستهنگیهكانی بهردهم سهنهواتی خانهنشینی، گهڕانهوهی ئهو بڕه پارهیه له ساڵانی ڕابردوو وهكوو باج لهسهر حهقدهستهكانیان كهم كراوه، لهسهركارلابردنی بهڕێوهبهرانی ناكارامه، بهكردهوهدهرهاتنی مادهی ١٠ی ئهرك و بهرپرسیارهتی پێرسۆنێلی نهوهت بوون. شایانی باسه كه كرێكارانی شاغڵ له دهكهڵه نهوتییهكانی باشووری ئێرانیش له ئاست كهمی حهقدهست ناڕهزایهتیان دهربڕیوه.