ڕۆژی شه‌ممه ١ی ڕه‌زبه‌ر، ده‌یان هه‌زار شارۆمه‌ندی خه‌ڵكی دژبه‌ری برگزیت له به‌ریتانیا، له ناوه‌ندی شاری له‌نده‌ن كۆبوونه‌وه و له ڕێپێوانێكی ناڕه‌زایه‌تیه‌دا داوایان له پاڕله‌مانی ئه‌و وڵاته كرد بۆ جارێكی دیكه په‌یوه‌ست به یه‌كێتی ئورووپا بن.
به‌پێی گشتپرسیه نافه‌رمیه‌كان، به‌شێكی زۆر له دانیشتووانی به‌ریتانیا په‌شیمانن له‌وه‌ی كه له یه‌كێتی ئورووپا چوونه‌ته ده‌ره‌وه و خوازیاری ئه‌وه‌ن پاڕله‌مان بۆ جارێكی دیكه گه‌ڵاڵه‌ی په‌یوه‌ست بوون به‌و یه‌كێتیه بخاته به‌ر باس و ده‌نگدان. به‌شدابووانی ئه‌و ڕێپێوانه ئاڵای یه‌كێتی ئورووپایان به‌ده‌سته‌وه گرت و له سه‌ر تراكت دروشمی “برگزیت هیچ كات كارساز نه‌بوو”یان به‌رز كرده‌وه.